Tag Archive for: Forsíða

Hamar aftur í annað sætið

Hattarmenn mættu í Hveragerði með Domino´s bragð í munninum. Með sigri myndi Höttur tryggja fyrsta sætið og þar með sæti í Domino´s-deild karla. Leikurinn var hnífjafn og mikilspenna í leiknum í byrjun.

Gestirnir leiddu 22-25 eftir fyrsta fjórðung. Annar leikhluti bauð síðan uppá taumlausa skemmtun í báðar áttir, fyrst náði Höttur 7 stiga forskoti 34-41, en Hamarsmenn tóku áhlaup 24-6 og staðan 58-47 í hálfleik.

Höttur byrjaði af krafti í seinni og saxaði á forystu Hamars, en þó hægt þar sem öll skot duttu báðu megin. Staðan 88-83 eftir 3.leikhluta. Í fjórða leikhluta kviknaði svo endanlega í netinu, Hamarsmenn enduðu á að setja niður 13 þrista í 23 tilraunum, en Höttur 13 af 25. Höttur minnkaði muninn minnst niður í 4 stig 99-95 en þá sögðu heimamenn stopp og halda spennu í deildinni.

Hamarsmenn klífa aftur upp í annað sætið og trúa stöðugt á fyrsta sætið enn. Atkvæðamestir voru hjá heimamönnum Julian með 33 stig, 13 fráköst, og 5 stoðsendingar, Þorsteinn setti 23 stig, 13 fráköst, Snorri sallaði niður 20 og Örn 19. Hjá Hetti var Tobin með 40 stig og 10 fráköst og Viðar 21 stig

Hér má svo sjá viðtöl eftir leik https://www.facebook.com/video.php?v=395478990629897&set=vr.395478990629897&type=2&theater&notif_t=video_processed

Umfjöllun: Í.Ö.G
mynd/ Guðmundur Erlingsson

/by
,

Sóley G. Guðgeirsdóttir er íþróttamaður Hamars

Á aðalfundi Hamars, sunnudaginn 22. febrúar 2015, voru heiðraðir íþróttamenn deilda og íþróttamaður Hamars fyrir árið 2014. Eftirfarandi aðilar hlutu viðurkenningu:

Hrefna Ósk Jónsdóttir, badminton.
Ragnheiður Eiríksdóttir, blak.
Anna Sóldís Guðjónsdóttir, fimleikar.
Vadim Senkov, knattspyrna.
Sóley Gíslína Guðgeirsdóttir, körfuknattleikur.
Sverrir Geir Ingibjartsson, hlaup.
Dagbjartur Kristjánsson, sund.

Sóley Gíslína hlaut titilinn íþróttamaður Hamars fyrir árið 2014.

Á aðalfundinum var bryddað uppá þeirri nýbreytni að veita gullmerki Hamars fyrir störf í þágu félagsins og hlaut  Valdimar Hafsteinsson þá viðurkenningu. Valdimar hefur setið í aðalstjórn Hamars í 20 ár samfleytt, verið formaður í knattspyrnudeild og blakdeild ásamt því að vera í stjórn Laugasports.  Valdimari er þökkuð góð störf í þágu félagsins.

Á aðalfundinum var Hjalti Helgason endurkjörinn formaður. Og auk hans skipa stjórnina Friðrik Sigurbjörnsson gjaldkeri, Álfhildur Þorsteinsdóttir, Erla Pálmadóttir og nýr í stjórn er Daði Steinn Arnarson.

IMG_9764 IMG_9759 IMG_9786 IMG_9782 IMG_9763 IMG_9735

/by

Hamar vann Suðurlandsslaginn

Hamar og Fsu áttust við í hörkuleik síðastliðið mánudagskvöld. Leikurinn var gríðarlega mikilvægur fyrir bæði lið en verið var að berjast um annað sæti deildarinar, sem gefur heimavallarétt í umspili um sæti í Úrvalsdeild. Liðin voru hnífjöfn í byrjun leiks, þar sem amerískir leikmenn liðanna fóru hamförum, Pryor hjá Fsu og Julian hjá Hamri. Staðan í hálfleik 40-47 fyrir Hamar, eftir glæsilega flautukörfu frá kjörísprinsinum Bjarna. Í síðari hálfleik fóru svo Hamarsmenn fyrst í gang, þeir bjuggu til gott forskot og unnu að lokum þægilegan sigur 79-98. Julian var sem fyrr stigahæðstur með 41 stig og 11 fráköst, en Bjarni og Þorsteinn skoruðu báðir 16 stig og tóku 8 fráköst, Sigurður var svo með 15 stig og spilaði frábæra vörn á 3 stiga skyttuna og methafann Ara Gylfason. Hamar er því í öðru sæti á innbyrgðis viðureign með jafnmörg stig og FSu. Næsti leikur er svo föstudaginn 28 feb móti toppliði Hattar.

/by

7. fl karla í hóp fimm bestu liða landisins í sínum aldurshópi

Það fór þó aldrei svo að strákarnir okkar í 7. flokki karla næðu ekki að springa út á heimavelli. Fyrir helgina hafði flokkurinn ekki unnið leik í b – riðli heldur haldið sér uppi á því að fjölgað var í riðlinum á milli móta, en strákarnir sýndu svo sannarlega að þeir eiga fullt erindi á þetta getu stig og gott betur. Strákarnir unnu Grindavík (38-44), Stjörnuna (33-27) og Skallagrím (37-26) en þurftu að játa sig sigraða gegn Njarðvík (33-35) eftir tvíframlengdan leik þar sem fjöldi vítaskota á lokasekúntum leiksins fór forgörðum hjá okkar drengjum. En þrátt fyrir þetta tap þá fer Hamar áfram þar sem Njarðvík hafði tapað fyrir Stjörnuni með tveimur stigum og Hamar unnið Stjörnuna með sex stigum og því ljóst að Njarðvík varð að vinna með fimm stigum. Leikurinn  gegn Njarðvík var hinsvegar gríðarlega skemmtilegur og spennandi og alveg óhætt að segja að þetta sé einn af þeim leikjum sem strákarnir læra eitthvað af. Nú er það því ljóst að Hamarsstrákrnir munu spila í A – riðli helgina 11.-12. apríl og framundan stífar æfingar til að mæta sem best undirbúnir fyrir lokaúrslitinn í íslandsmótinu.

/by

KR – Hamar Meistarflokkur kvenna

Það er alveg öruggt í hópíþróttum að ef lið nær upp samheldni og baráttu í sínum hóp þá er alltaf meiri líkur en minni á jákvæðum úrslitum (speki dagsins).  Fyrir tæpum tveimur mánuðum spilaði Hamar við KR í vesturbæ Reykjavíkur og tapaði með rétt tæplega fimmtíu stiga mun, úrslit sem enginn vildi muna eftir og því spurning af hverju greinahöfundur er að rifja þau upp. Jú í gær mættu stelpurnar í Hamri aftur í vesturbæinn með allt annað hugarfar og sóttu stigin tvö sem í boði voru, það var áberandi í þessum leik að liðsheildinn var fyrir öllu burðarliðar í stigaskorun undanfarinna leikja voru ekki alveg að setja stig á töfluna en í staðin steig allt liðið upp og spilaði flottan varnarleik þar sem allar voru á sömu blaðsíðu og lögðu sín lóð á vogarskálarnar. Það er jú gömul saga og ný að til að vinna í boltaleik þá þarftu að skora meira en hitt liðið og ef sóknin er eitthvað að hiksta þá er það varnarleikurinn sem gildir til að vinna og það sýndu stelpurnar okkar sannarlega á móti KR. Frábær sigur og nú eru komnir þrír sigurleikir í röð og nánast hægt að segja að Hamarsstúlkur séu lausar við falldrauginn og geti einbeitt sér að því að hafa gaman af því að spila og halda áfram að styrkja þá liðsheild sem virðist vera að myndast hjá kvennaliði okkar Hvergerðinga, áfram Hamar J

Tölfræði einstakra leikmanna

Kristrún Rut Antonsdóttir            2 stig / 1 frákast

Þórunn Bjarnadóttir                      3 stig / 3 fráköst / 3 stoðsendingar

Salbjörg (Dalla) R Sævarsd          12 stig / 8 fráköst / 1 stoðsendingar

Sóley Guðgeirsdóttir                     5 stig / 7 fráköst / 4 varinn skot

Heiða B. Valdimarsdóttir              4 stig / 6 fráköst

Sydnei Moss                                     24 stig / 5 fráköst / 2 varinn skot

Hafdís Ellertsdóttir                         8 stig / 6 fráköst

/by

Mót hjá strákunum í 7. flokki í Hamarshöllinni

Strákarnir okkar í 7. Flokk fara vel af stað á þriðju helgi íslandsmótsins, mótið er haldið í Hamarshöllinni bæði laugardag og sunnudag og hafa okkar menn farið vel af stað með sigrum á Grindavík og Stjörnunni. Strákarnir eru að keppa í b – riðli sem er annar sterkasti riðill í þeirra aldurhópi og því gríðarlega gaman fyrir strákna að byrja svona vel á heimavelli. Á morgun (sunnudaginn 8. Feb) eru strákarnir svo að spila seinni tvo leikina sína og þá ræðst hvar þeir enda í b – riðlinum.

/by

Flottur sigur á Haukum

Haukakonur mættu í gærkvöldi með Hardy í leikbanni og Hamarskonur sáu aukið tækifæri á sigri og gefa Hadda þjálfara góða afmælisgjöf.
Byrjunin var höktandi og lengi vel 2-2 þar til Haukakonur tóku frumkvæðið og leiddu 8-13 eftir fyrsta. Hittnin hjá okkar stúlkum léleg en þær sóttu meira inn í teig í öðrum leikhluta og komust yfir 25-24 en tveir þristar Haukamegin kveikti aftur í þeim rauðklæddu. Staðan í hálfleik 29-35.
Lítið breyttist staðan í þriðja leikhluta sem Hamars stúlkur unnu þó 22-21 og hittnin aðeins að skána. Haddi og Oddur voru að rúlla á 7 -8 stelpum.
Fjórði leikhluti byrjaði með fyrstu 3 stigunum gestanna áður en þjálfarateymið tók leikhlé okkar megin,  49-57 og rétt um 7 mínútur eftir. Ræða afmælisdrengsins var ekkert falleg “afmæliskveðja” og Hamars stúlkur svöruðu kallinu með næstu 7 stigum frá Þórunni og vörnin að smella hjá Hamri. Sydnei skoraði svo  næstu 5 stigin eftir góða pressuvörn okkar og 62-57 og tvær og hálf eftir. 13 stig í röð hjá Hamri en Haukakonur héldu sér í leiknum með næstu 4 stigunum og 62-61 þegar um 1 mínúta var eftir. Hamar hélt góðri vörn það sem eftir lifði leiks og Sóley setti 3 víti á lokakaflanum við mikinn fögnuð í Frystikistunni, 65-61 sigur.
Gaman að sjá foreldra og fjölskyldumeðlimi þeirra Döllu og Heiðu mæta og rífa stemminguna í gang hjá okkur en þessi sigur var kærkomin sem stelpurnar áttu sannarlega skilið. Mikil breyting á vörn og spilamennsku almennt eftir áramót þar sem Dalla hefur sérstaklega farið hamförum eftir jólasteikina og freiri farnar að koma inn með gott framlag og góða liðheild. Að sjálfsögðu tóku stelpurnar svo afmælissönginn í lokin fyrir Hadda.
Til gamans smá tölfræði hjá Döllu það sem af er ári (meðaltal);  16,8 stig/12,8 fráköst/5,5 blokkuð skot/26,0 framlagsstig pr. leik.
Stig Hamar: Sydnei Moss 19/8 fráköst, Þórunn Bjarnadóttir 16, Salbjörg Ragna Sævarsdóttir 14/12 fráköst/8 varin skot, Heiða B. Valdimarsdóttir 7/8 fráköst, Sóley Guðgeirsdóttir 5/9 fráköst, Hafdís Ellertsdóttir 2/3 fráköst, Helga Vala Ingvarsdóttir 2, Jóna Sigríður Ólafsdóttir 0, Vilborg Óttarsdóttir 0, Erika Mjöll Jónsdóttir 0.
/by

Körfuboltafólk heiðrað

Hveragerðisbær heiðraði milli jóla og nýárs íþróttamenn úr bæjarfélaginu sem staðið hafa sig vel á árinu 2014. Ragnar Nathanealson og Kristrún Rut Antonsdóttir fengu viðurkenningu fyrir góðan árangur á körfuboltavellinum sl. ár.

Kristrún Rut hefur verið fastamaður í Hamarsliðinu í Dominosdeildinni  2014 og hlaut viðurkenningu fyrir það og fyrir knattspyrnuiðkun sína þar sem Kristrún Rut, ásamst liði Selfoss, náði í bikarúrslitin 2014. Kristrún var fastamaður í liði Selfoss í Pepsídeild  líkt og í Dominosdeildinni með Hamri.

Ragnar hefur verið áberandi á vellinum allt síðasta ár. Hann hefur verið það öflugar með Þór Þorlákshöfn í Dominosdeildinni að atvinnumennskan var handan við hornið og spilar Ragnar í dag með Sundsvall Dragons í Svíþjóð. Ragnar var fastamaður í A-landsliðinu okkar sem vann sér rétt til þátttöku í úrslitum evrópukeppninnar, sem frægt er orðið. Systir Ragnars tók við viðurkenningu fh. bróður síns og er á myndinni ásamt Kristrúnu.

 

/by

Áramóta- og jólapistill formanns

Nú þegar árið er senn á enda er ekki úr vegi að líta yfir sviðið. Í heildina hefur starf deilda Hamars gengið vel á árinu. Heildarfjöldi iðkenda heldur áfram að vaxa og er svo komið að aldrei í sögu félagsins hafa fleiri iðkendur stundað íþróttir hjá deildum Hamars.

Aðstaðan hefur verið bætt jafnt og þétt, þó að alltaf megi gera betur einhvers staðar.

Á haustmánuðum kom upp sú umræða, á fundi fræðslunefndar, (að frumkvæði Sævars Þór Helgasonar aðstoðarskólastjóra) að koma fyrir dúk í miðju lofti á salnum í íþróttahúsinu.  Dúknum væri hægt að slaka niður eftir þörfum og gæfi þetta möguleika á því að skipta salnum upp.   Með þessari lausn myndi aðbúnaður til íþróttakennslu bætast til mikilla muna, ásamt því að fjölga tímum í íþróttahúsinu.

Stjórn Hamars tók undir þessa góðu ábendingu  og fylgdi hugmyndinni eftir á árlegum fundi með bæjayfirvöldum.  Það var því mikið ánægjuefni að þetta skyldi rata inn í fjárhagsáætlun Hveragerðisbæjar fyrir árið 2015.

Undir merkjum Hamars eru reknar sex deildir og þar að auki rekur Hamar Laugasport heilsurækt.

Að hafa þetta fjölbreytt úrval í ekki stærra bæjarfélagi er nánast einsdæmi á landsvísu. Það væri lífsins ómögulegt að halda svo fjölbreyttu starfi úti ef ekki væri fyrir ötult starf margra fórnfúsra sjálboðaliða. Mig langar að vitna í afbragðsgóðan leiðara um sjálboðaliðastarf sem birtist í Morgunblaðinu fyrir skemmstu.

„Starf sjálfboðaliða er ekki aðeins að finna í íþróttahreyfingunni.  Sjálfboðaliðar starfa fyrir Rauða krossinn og björgunarsveitirnar, leggja hönd á plóg í kirkjustarfi, telja fugla og svo mætti halda lengi áfram. Sjálfboðaliðar halda í raun mörgum þáttum samfélagsins gangandi og verður starf þeirra seint ofmetið.  Aðalhagfræðingur Englandsbanka, Andy Haldane, leiddi í fyrirlestri í haust getum að því að sjálboðaliðar á Bretlandi væru um 15 milljónir og ynnu 4,4 milljarða klukkustunda á ári. Það væri um það bil einn tíundi launaðra vinnustunda í landinu á ári. Þarna miðaði hann eingöngu við formlegt sjálfboðaliðastarf, en umfangið væri sennilega mun meira.

Hagfræðingurinn taldi að virði þeirrar vöru og þjónustu, sem sjálboðaliðar framleiddu, gæti verið um 40 milljarðar punda (7.800 milljarðar króna) á ári. Félagslegi ábatinn af sjálfboðaliðastarfi væri gríðarlegur, tvisvar til tíu sinnum meiri en efnahagslegi ábatinn. Sagði hann að líta mætti á sjálboðaliðastarf sem „einn af mikilvægustu geirum samfélagsins“ .“

Þessi samantekt er ágætis áminning um það gríðalega mikla sjálboðaliðstarf sem fer fram í íþróttahreyfingunni og víðar á hverjum degi og mikilvægi þess fyrir samfélagið.

Fyrir hönd stjórnar Hamars vil ég þakka fyrir samstarfið á árinu sem er að líða og senda okkar bestu óskir um gleðileg jól, farsæld og hamingju á nýju ári

 

Áfram Hamar!

Hjalti Helgason, formaður Hamars

/by

Ara sagt upp, Hallgrímur tekur við

Stjórn körfuknattleiksdeildar Hamars hefur ákveðið að segja upp samningi sínum við Ara Gunnarsson þjálfara meistaraflokks karla. Körfuknattleiksdeild Hamars vill þakka Ara fyrir samstarfið og óska honum velfarnaðar á nýju ári. Hallgrímur Brynjólfsson mun taka við liðinu út tímabilið ásamt því að stýra kvenna liði félagsins og mun Oddur Benediktsson verða honum til aðstoðar.

/by