,

Snæfríður Sól Jórunnardóttir keppir á Ólympíuleikunum í Tókýó

Sunddeild Hamars óskar Snæfríði Sól Jórunnardóttur innilega til hamingju með þann stórkostlega árangur að tryggja sér þátttökurétt á Ólympíuleikunum í Tókýó sem hefjast á morgun.

 Snæfríður Sól byrjaði ung að árum að iðka sundið af kappi hér í sunddeildinni í Hveragerði undir stjórn Magnúsar Tryggvasonar þjálfara. Þegar hún var 11 ára flutti hún til Danmerkur og hefur æft sund þar.

Við leyfum okkur að vitna í  fyrrverandi formanns sundeildarinnar, Guðrúnu Hafsteinsdóttur, sem ásamt fleiri foreldrum endurvakti sunddeildina árið 2004 en þá hafði sunddeildin legið í dvala í þónokkur ár. Guðrún rifjaði upp að Snæfríður Sól var ein af fyrstu iðkendum sunddeildarinnar þarna og varð strax mjög efnileg. Hún vakti ekki síður athygli fyrir persónuleika sinn og var strax mjög metnaðarfull, kvartaði aldrei yfir æfingunum og sýndi mikla staðfestu. Þannig eiginleikar fleyta fólki langt!

Og nú hefur Sunddeild Hamars eignast hlutdeild í sínum fyrsta stórafreksmanni og það er ekki lítið.

Við óskum enn og aftur Snæfríði Sól innilega til hamingju með þennan glæsilega árangur og hlökkum til að fylgjast með henni á Ólympíuleikunum. Þar verður hún fánaberi Íslands ásamt Antoni Sveini Mckee og er þetta í fyrsta sinn sem fánaberar þátttökuþjóðanna verða tveir. Þau mun ganga fyrst inn á leikvanginn á eftir gríska hópnum sem alltaf gengur fyrstur inn á leikvanginn á öllum Ólympíuleikum og flóttamannaliði Alþjóðaólympíunefndarinnar (IOC Refugee Olympic Team). Farið er eftir japanska stafrófinu og þess vegna raðast Ísland fremst þjóða.

Setningarathöfnin hefst kl. 11 á morgun, föstudaginn 23. júlí.

Fyrir áhugasama þá mun Snæfríður Sól synda  200 m skriðsund þann 26. júlí kl. 9:55 – 12:30 og verður það sýnt beint á RÚV. Hún syndir svo 100 m skriðsund þann 28. júlí kl. 9:55 – 12:20 og verður það sýnt beint á RÚV2.

Við sendum henni góða sundstrauma héðan frá Hveragerði alla leið til Tókýó.

/by
,

BESTIR ! DEILDARMEISTARAR – BIKARMEISTARAR- ÍSLANDSMEISTARAR !!!

Það segir sig sjálft, að þegar íþróttalið keppi í meistaraflokki að það krefst mikla vinnu og framlag. Bæði frá leikmönnum, þjálfara, aðstoðafólkinu og sjálfboðaliðum. Því hef ég haft lítinn tíma til að senda inn reglulega fréttir en við höfum verið á netinu og í fjölmiðlum, þannig það ætti ekkiað hafa farið framhjá neinum, að HAMAR tók þrennuna á sínu fyrsta ári í úrvalsdeild. Við unnum alla leiki og hömpuðum alla titla.

DEILDARMEISTARAR – BIKARMEISTARAR- ÍSLANDSMEISTARAR.

Það er búið að hlaða yfir okkur blómum og hamingjuskeytum og er ég endalaus snortin og þakklát hvað þið eruð allir að fagna svo innilega með okkur. ÖLL vinnan í kringum blakið hefur skilað sér og núna er smá spennufall og við erum að reyna að njóta velgengni.

ÍSLANDSMEISTARAR 2021

Bikarmeistarar 2021

Kæra þakkir til ykkar allra sem studdu okkur í gegnum tímabilið, sérstaklega vil ég þakka sjálfboðaliðum sem mættu til að starfa á leiki. Án ykkar hefði þessi árangur ekki orðin til.

VIÐ ERUM EIN BLAKFJÖLSKYLDA!

Til hamingju með árangurinn við öll. ÁFRAM HAMAR.

Mbk,

Barbara Meyer, formaður Blakdeildar Hamars

/by
,

Hamar í beinu streymi kl. 13:45

Í dag kl. 13:45 verður ritað nýtt blað í sögu knattspyrnufélagsins Hamars í Hveragerði þegar fyrsti leikur sumarsins gegn Uppsveitum verður í beinu streymi á netinu. Hingað til hefur það tíðkast að knattspyrnufélög á Íslandi hafi verið að streyma sínum leikjum. Nú er komið að knattspyrnudeild Hamars.

Hamar ásamt Lagnaþjónustunni og Kjörís, dyggum styrktaraðilum félagsins – kynna knattspyrnuleik frá Grýluvelli í Hveragerði í dag fimmtudag, uppstigningardag. Fyrir þá sem ekki komast hvetjum við alla til að fylgjast með leiknum í lifandi streymi með því að nálgast leikinn í opinni útsendingu án endurgjalds. Hægt að nálgast leikinn hér
🏆 4. deild karla⚽ Hamar – ÍBU🏠 Grýluvöllur📆 Fimmtudagur 13. Maí⌚ KL 14:00
Múrþjónusta Helga Þ, Set, Raftaug og Ölverk styrkja sömuleiðis við gerð útsendingarinnar. 

/by
,

Hamarsmenn enn taplausir á toppnum

Álftanes og Hamar áttust við í Mizunodeildinni í blaki í kvöld.
Gestirnir mættu vel stemmdir til leiks og var fyrsta hrinan jöfn og spenrnandi. Upphækkun þurfti til að útkljá sigurvegara en Hamarsmenn unnu hrinuna að lokum með 29 stigum gegn 27.
Í hrinu tvö voru leikmenn Álftaness komnir á bragðið. Þeir náðu 5-1forystu áður en Hamarsmenn vöknuðu til lífsins en eftir það hrinan jöfn og hörkuspennandi en frumkvæðið var Álftanessmanna. Hamarsmenn náðu þó að lokum að jafna leikinn 18-18 og unnu hrinuna 25-22.
Eftir þetta virtist allur vindur úr Álftanesmönnum og Hamar vann þriðju hrinuna örugglega 25 – 17 og leikinn þar með 3-0.
Hamarsmenn sitja því enn taplausir á toppi deildarinnar með fullt hús stiga.

Radoslaw Rybak var valinn maður leiksins (MVP). Næsti leikur verður á sunnudaginn þegar Hamar mun taka á móti Vestra frá Ísafirði. Leikurinn hefst klukkan 13 og verður sýndur  á streymisrás Blaksambands Íslands.

Mynd : Bryndís Sigurðardóttir – Hamar skorar stig í hávörn

Mynd: Kristín Hálfdánardóttir – Hamarsmenn fagna stigi gegn Álftanesi í kvöld:

/by
,

Lið Hamars er í toppsæti deildarinnar með 21 stig eftir 7 leiki og er því eina ósigraða liðið í deildinni.

Read more
/by
,

Hamar sigrar Afturelding 3-1. Jakub valinn maður leiksins !

Hamarsmenn tóku í dag á móti Aftureldingu í 4. leik liðsins  i Mizunodeild karla í blaki.

Fyrir leikinn hafði Hamar unnið alla þrjá leiki sína 3-0 og voru á toppi deildarinnar ásamt HK með fullt hús stiga og enga tapaða hrinu. Afturelding hafði leikið 2 leiki og unnið annan og tapað hinum 3-0.
Hamarsmenn byrjuðu vel og leit út fyrir auðveldan 3-0 sigur í dag. Fyrsta hrinan vannst auðveldlega 25-13 og önnur hrinan 25-17. Þá vaknaði lið Aftureldingar til lífsins og unnu þeir þriðju hrinu nokkuð örugglega 25-23. Þó litlu hafi munað á liðunum í lok hrinunnar þá var Afturelding með tök á henni allan tímann en Hamar klóraði í bakkann í lokin. Fjórða og síðasta hrina var nokkuð jöfn þó heimamenn hefðu frumkvæðið allan tímann. Að lokum vann Hamar hrinuna 25-20 og þar með leikinn 3-1 og er enn með fullt hús stiga. HK situr þó eitt á toppnum með jafn mörg stig en betra hrinuhlutfall þar sem HK hefur unnið alla leiki sína 3-0.

Maður leiksins (MVP) var Jakub Madej, kantsmassari Hamars.
Á meðfylgjandi myndum má sjá Mizunolið Hamars annar vegar og hinsvegar Jakub Madeij, mann leiksins,  að smassa á mót Þrótti í upphafi leiktímabils.

Jakub Madej valin maður leiksins (MVP)
/by
,

Hamarsmenn með fullt hús en tóma stúku

Í haustbyrjun unnu Hamarsmenn báða sína leiki 3-0 en Fylkir hafði fyrir leikinn einungis spilað einn leik sem tapaðist 3-1.

Hamarsmenn mættu vel stemmdir til leiks og sáust merkilega góð tilþrif miðað við takmarkaða möguleika til æfinga undanfarnar vikur. Heimamenn unnu fyrstu hrinuna auðveldlega 25-13 en í annarri hrinu virtist sem Hamarsliðið tapaði einbeitingu og Fylkismenn fengu þónokkuð af stigum vegna mistaka heimamanna. Fylkismenn gegnu á lagið og komust m.a. yfir 16-15. Þá vöknuðu Hamarsmenn til lífsins og unnu hrinuna 25-18. Þriðja og síðasta hrinan var jöfn framan af og héngu Fylkismenn inn í leiknum  fram í miðja hrinu en eftir það jókst bilið jafnt og þétt og brekka Fylkismanna orðin brött. Fór svo að Hamar vann hrinuna með 25 stigum gegn 17 og leikinn þar með 3-0. 

Hamarsmenn sitja því á toppi deildarinnar ásamt HK en bæði lið hafa unnið alla þrjá leiki sína 3-0.Stigahæstur í liði Hamars var Jakub Madej með 16 stig en í liði Fylkis var Bjarki Benediktsson stigahæstur með 11 stig.

Leikið var fyrir tómu húsi en heimamenn bíða spenntir eftir að fá að leyfa Hvergerðingum hágæða blak milli þeirra bestu á landinu.

/by
,

Innlegg frá framkvæmdastjóra

Mikið mæðir á íþróttastarfi um þessar mundir og kappkosta allir við að fylgja reglum um sóttvarnir og um leið finna leiðir til að gera íþróttir sem öruggastar fyrir alla iðkendur félagisins. Við látum þó ekkert stoppað okkur (nema að einhverju leiti reglugerðir).

Undirrituð og Aðalstjórn Hamars eru í mikilli undirbúnings- og rannsóknarvinnu er lítur að þjónustu og framtíðarsýn félagsins. Þar sem miklar hömlur eru á samkomum og viðburðum höfum við þurft að fresta í tvígang svokölluðum “þjóðfundi”, en okkur þykir mikilvægt að fá bæjarbúa með okkur í lið til að vinna að enn bjartari framtíð félagsins. Við erum aftur á móti afar bjartsýnn hópur fólks og hlökkum til að geta hitt alla!

Einnig höfum við sett af stað könnun í samstarfi við Hveragerðisbæ og höfum við nú þegar fengið góða svörun frá foreldrum, takk fyrir það! Við viljum með þessu nálgast foreldra og opna línu milli okkar og ykkar. Við stefnum á að sú könnun verði framkvæmd árlega til að fá enn betri sýn á starfið og nýtum það verkfæri til að bæta okkur, með hjálp frá ykkur.

Starfið hefur farið af stað með ágætum þetta haustið og lágmarks truflun hefur verið á almennri starfssemi deilda. Við höfum þó að sjálfsögðu fundið fyrir því að takmarkanir eru settar á áhorfendur leikja meistaraflokka en ég held að liðin finni þó alltaf fyrir stuðningi bæjarbúa. Þar sem flestir iðkendur hafa fundið sinn stað í félaginu höfum við farið yfir skráningar og sjáum að einhverjir foreldrar/forráðamenn eiga eftir að ganga frá skráningu en við höfum fulla trú á að það gerist fljótt og örugglega á næstu dögum.

Breytingar og aukning hefur orðið á meistaraflokkum okkar á árinu en stofnaður var meistaraflokkur kvenna í knattspyrnu, meistaraflokkur karla í blaki og meistaraflokkur kvenna í körfu hóf samstarf við Þór í Þorlákshöfn. Meistaraflokkar karla í knattspyrnu og körfuknattleik halda að sjálfsögðu ótröðir áfram að venju. Við gætum ekki verið stoltari af öllum okkar meistaraflokkum – áfram Hamar! Það gefur auga leið að meistaraflokkar eru frábærar fyrirmyndir fyrir iðkendur í yngri flokka.

Mig langar að taka smá pláss í þessum pistli til að færa þakkir þangað sem þær eru einnig verðskuldaðar. Þakkir til foreldra/forráðamanna, þakkir til sjálfboðaliða, þakkir til velunnara. Án óeigingjarns starfs og stuðnings ykkar væri íþróttastarfið ekki nærri því jafn öflugt og það er. Það á við um öll íþróttafélög á landinu og erum við sannarlega ekki undanskilin. Við hlökkum til að halda áfram samvinnu og horfum björtum augum til framtíðarinnar.

Sandra Björg Gunnarsdóttir

Framkvæmdastjóri

/by