Hamar spilaði æfingaleik gegn Mídas s.l Laugardag í Fífunni. Mídas spila í 4. deildinni í sumar líkt og Hamar. Hamar byrjuðu leikinn ekki alveg nægilega vel og varði Jóhann Karl Ásgeirsson markvörður Hamars vel nokkrum sinnum í byrjun leiks. Hamarsmenn vöknuðu til lífsins á 20. mínútu þegar Brynjar Elí komst einn innfyrir vörn Mídas og skoraði flott mark. Stuttu seinna skoraði Þorlákur Máni gott skallamark eftir hornspyrnu frá Jóa Snorra. Í hálfleik var staðan 2-0 fyrir Hamar. Hamarsmenn voru mun betri aðillinn í þessum leik og bættu við marki fljótlega í seinni hálfleik þegar spánverjinn Jorge skoraði gott mark. Arnar Þór Hafsteinsson skoraði svo eftir að Brynjar Elí hafði sett boltann í slánna. Arnar Þór var ekki hættur því hann skoraði svo flott mark eftir sendingu frá Jóa Snorra. Loks skoraði Ómar Andri sjötta mark Hamars og var lokastaðan 6-0 fyrir Hamar!! Virkilega flottur sigur hjá strákunum og var þetta þriðji sigurleikurinn í röð hjá Hamri.

Allir leikir Hamars eru teknir upp og er hægt að sjá mörkin úr leiknum hér að neðan.

Áfram Hamar!

Meistaraflokkur karla spilaði æfingaleik s.l Laugardag. Spilað var gegn Létti og fór leikurinn fram í Fífunni í Kópavogi. Léttir verða með Hamri í riðli í 4.deildinni í sumar. Þrír nýjir leikmenn voru til reynslu hjá Hamri í leiknum. Það voru tveir ungir og sprækir strákar uppaldir í Breiðablik og einn reyndur spánverji. Hamarsmenn byrjuðu leikinn af krafti og voru betri aðilinn í byrjun leiks. Hamarsmenn spiluðu boltanum vel á milli sín og áttu fullt af fínum marktækifærum í fyrri hálfleik. Undir lok fyrri hálfleiks náðu Hamar forystunni, Spánverjinn Jorge sendi boltann fyrir markið sem endaði í markinu eftir viðkomu einn varnarmanna Léttis. Staðan var 1-0 í hálfleik og voru Hamarsmenn mun sterkarri aðilinn í leiknum. Seinni hálfleikur fór fjörlega af stað og fljótlega náðu Hamarsmenn að bæta við marki. Þar var að verki leikmaður sem er á reynslu, Arnar Þór Hafsteinsson eftir góða fyrigjöf frá Didda. Hamarsmenn héldu áfram að spila boltanum vel á milli sín og og voru mun betri aðillinn í leiknum. Logi Geir skoraði svo gott mark eftir frábæra stungusendingu frá Didda. Léttir náðu svo að minnka munin með skallamarki. En Hamarsmenn voru ekki hættir því Arnar Þór skoraði sitt annað mark með skoti fyrir utan teig eftir enn eina stoðsendinguna frá Didda. Staðan var orðin 4-1 og voru Hamarsmenn að spila skemmtilegan fótbolta. Léttir náðu að klóra í bakkann í lokinn úr vítaspyrnu sem Hlynur Kárason var nálægt því að verja. Lokastaðan var 4-2 fyrir Hamar og var þetta annar sigur Hamarsmanna í röð.

Logi Geir Þorláksson mun spila með Hamar í sumar og skoraði hann gott mark í leiknum.

Næsti leikur Hamars verður Þriðjudaginn 24. Febrúar á móti Skallagrím á ÍR velli kl 20:30.

Meistaraflokkur Hamars spilaði sinn annann leik á undirbúningstímabilinu á Selfossvelli í gær. Spilað var við KFR og var þetta leikur í sunnlenska.is mótinu. KFR leikur í 3. deild, Hamar mun leika í 4.deild.

Í byrjun einkenndist leikurinn af löngum sendingum og miklum barningi. Hamarsmenn áttu erfitt með að halda boltanum innann liðsins, um miðjan fyrri hálfleik komust KFR yfir með góðu marki. Hamar fengu gott færi í fyrri hálfleik til að jafna leikinn en inn vildi boltinn ekki. Langar sendingar og hraðir leikmenn KFR héldu áfram að valda Hamarsmönnum usla og náðu KFR að bæta öðru marki við fyrir hálfleik. Staðan var 0-2 í hálfleik. Í seinni hálfleik náðu Hamarsmenn að halda boltanum mun betur innann liðsins og voru þéttir fyrir í varnarlega. Hamar fengu nokkur ágætis færi til að laga stöðuna en eins og áður vildi boltinn ekki fara inn. KFR fengu líka sín færi en markalaust var í seinni hálfleik. Leikurinn endaði 0-2 fyrir KFR. Seinni hálfleikur var mun betur leikinn af hálfu Hamarsmanna og eru greinilega framfarir síðan úr síðasta leik. Það fengu allir 19 leikmenn liðsins tækifæri á að spreyta sig í leiknum.

Gaman er að segja frá því að það mættu 24 leikmenn á æfingu fyrir leikinn og voru þar að auki nokkrir fjarverandi að sökum meiðsla. Hópurinn hjá meistaraflokki er því orðinn stór og eru nánast allir Hvergerðingar! Æft er þrisvar í viku í Hamarshöllinni auk þess sem leikmenn mæta í Laugasport og æfa þar af krafti. Það verður gaman að fylgjast með strákunum í framhaldinu og er mikil stemmning innann hópsins.

Næsti leikur Hamarsmanna verður 15. Febrúar gegn Árborg í sunnlenska.is mótinu.

Fyrsti leikur vetrarins hjá meistaraflokki undir stjórn nýs þjálfara Ólafs Hlyns fór fram í gær á Selfossvelli. Um var að ræða fyrsta leik í sunnlenska.is æfingamótinu gegn Árborg. Hamar telfdi fram nýju liði frá s.l tímabili og gaman er að segja frá því að af þeim 17 leikmönnum í leikmannahóp Hamars voru 16 leikmenn úr Hveragerði. Markmið Hamars er að gefa Hvergerðingum tækifæri á að spila fótbolta og búa til gott lið og leikmenn. Margir af leikmönnunum voru að spila sinn fyrsta leik eftir hvíld frá fótbolta og nokkrir sem hafa verið í kringum liðið undanfarin ár.

Leikurinn í gær fór ágætlega af stað fyrir Hamarsmenn. Leikmenn voru í smástund að finna taktinn og ná stressinu úr sér. Fljótlega komu margir góðir spilkaflar og fengu Hamar góð færi í fyrri hálfleik til að komast yfir í leiknum, en þeir náðu ekki að koma tuðrunini inn þrátt fyrir ítrekaðar tilraunir og stóðu leikar 0-0 í hálfleik, flottur fyrri hálfleikur! Seinni hálfleikur hófst rólega og voru menn farnir að þreytast og miklar breytingar á leikstöðum manna. Fljótlega í seinni hálfleik náðu Árborgarmenn að setja inn eitt mark eftir mikla baráttu við vítateiginn. Eftir þetta var Árborg betri aðillinn í leiknum og settu eitt mark til viðbótar framhjá Hlyni Kárasyni markverði Hamars. Lokatölur voru 2-0 fyrir árborg.

Heillt yfir var þetta flottur leikur hjá nýju liði Hamarsmanna. Fyrri var hálfleikur mjög góður, en í seinni hálfleik voru menn orðnir þreyttir. Gaman var að sjá að liðið spilaði vel saman og voru þéttir fyrir á vellinum. Það verður spennandi að fylgjast með liðinni í framhaldinu og hvetjum við alla til að kíkja á næsta leik í mótinu sem verður 1. Febrúar kl 20:00 á selfossvelli. Gaman væri að sjá fólk mæta á völlinn og styðja Hvergerðingana!

ÁFRAM HAMAR!