Frá og með 4. Maí getum við aftur hafið æfingar hjá yngri flokkum kkd. Hamars. Þar sem langt hlé hefur verið á æfingum þá munu æfingar standa lengur en fyrri ár og munu allir yngri flokkar æfa út maí mánuð. Æfingatímar verða þeir sömu og voru í vetur en þá má sjá hér að neðan.
Með körfubolta kveðju Daði Steinn yfirþjálfari yngri flokka
Hamars.
https://www.hamarsport.is/wordpress/wp-content/uploads/2020/04/2020-04-28.-mynd-af-8-fl-karla.jpg567756Silja Runólfsdóttirhttps://www.hamarsport.is/wordpress/wp-content/uploads/2024/04/Untitled-design-15.pngSilja Runólfsdóttir2020-04-28 13:37:442020-04-28 13:38:37Körfuknattleiksæfingar hefjast að nýju
Aðalfundur Íþróttafélagsins Hamars verður haldinn 16. febrúar næstkomandi kl 14.00 í Grunnskólanum í Hveragerði.
Farið verður yfir íþróttastarf félagsins á árinu 2019, reikningum gerð skil ásamt venjulegum aðalfundarstörfum. Einnig verður Íþróttamaður Hamars ársins 2019 tilkynntur og heiðraður ásamt íþróttamönnum allra sex deilda. Að loknum fundi verður svo boðið upp á veglegt sunnudagskaffi að venju.
Okkur í félaginu væri það sönn ánægja að sjá sem flesta.
A-lið Hamars kvenna gerði góða ferð á árlegt hraðmót HSK í blaki sem fram fór 30. október á Laugarvatni. Hamar sendi einnig B-lið til leiks og stóðu þær sig með ágætum þótt ekki kæmu verðlaun í hús að þessu sinni. ÁFRAM HAMAR!
Magnús Tryggvason þjálfari hjá
Sunddeild Hamars útskrifaðist af Level 3 þjálfaranámskeiði
Alþjóðasundsambandsins (FINA) sem haldið var á vegum Sundsambands Íslands nú í
lok september. Er þetta æðsta stig þjálfaramenntunar sem FINA býður upp á. Sá
sem kenndi á námskeiðinu var Genadijus Sokolovas sem er einn helsti
sérfræðingur heims í sundi og hefur hann komið að þjálfun helstu afreksmanna
heimsins í sundi eins og Michael Phelps og Natalie Coughlin.
Þeir sem sátu þetta námskeið
voru sammála um að þeir höfðu lært gríðarlega mikið og það hefði verið mikill
heiður að fá þennan sundsérfræðing hingar til lands. Magnús var eini Íslendingurinn
sem sat þetta alþjóðlega námskeið og er því fyrsti Íslendingurinn sem nær þessu
þjálfarastigi.
Við óskum Magnúsi innilega til
hamingju með þennan áfanga.
https://www.hamarsport.is/wordpress/wp-content/uploads/2019/10/Sund-Magnús-Tryggvason-FINE.jpg7681024Sigurbjörg Hafsteinsdóttirhttps://www.hamarsport.is/wordpress/wp-content/uploads/2024/04/Untitled-design-15.pngSigurbjörg Hafsteinsdóttir2019-10-01 22:36:232019-10-01 22:36:26Magnús nær æðsta stigi þjálfaramenntunar FINE
Ljóst varð í sumar að
fyrirliði liðsins Oddur Ólafsson muni halda til Spánar í mastersnám og því ekki
leika með liðinu í baráttunni í vetur. Við óskum Oddi góðs gengis og vonumst að
sjálfsögðu til þess að sjá hann í Hamarstreyjunni í framtíðinni!
Toni sem er 22 ára að aldri
er fenginn til þess að fylla í það stóra skarð sem Oddur skilur eftir sig. Hann
kemur úr unglingastarfi Zadar sem er eitt allra sterkasta körfuboltafélag
Króatíu. Hann spilaði ungur að aldri 3 tímabil með aðalliði Zadar í efstu deild
og kom við sögu í Adriatic deildinni (ABA league), einnig var hann hluti af U18
ára landsliði Króata.
Á síðasta tímabili spilaði
Toni með liði KK Pula 1981 í næstefstu deild í Króatíu og skilaði þar 15.6
stigum að meðaltali í leik auk þess að gefa 3 stoðsendingar.
https://www.hamarsport.is/wordpress/wp-content/uploads/2019/07/Toni-pic.jpg380700Silja Runólfsdóttirhttps://www.hamarsport.is/wordpress/wp-content/uploads/2024/04/Untitled-design-15.pngSilja Runólfsdóttir2019-07-24 07:59:212020-02-09 23:01:04Hamar hafa samið við króatíska leikstjórnandann Toni Jelenkovic um að spila með liðinu í 1.deildinni á komandi leiktíð.
Þá hafa allir yngriflokkar hjá körfuknattleiksdeild Hamars lokið keppni þennan veturinn. Um liðna helgi fóru yngstu börnin til Þorlákshafnar þar sem Selfoss, Hamar og Þór hittust og spiluðu sín á milli. Eftir leikina fengu svo allir hressingu og þannig slógum við botnin í vetrarstarfið hjá börnum í 1-4 bekk. Laugardag og Sunnudag var síðasta keppnishelgi hjá MB 10 og var það mót haldið í Garðabæ. Mótið gekk mjög vel og var gaman að sjá framfarinar hjá strákunum í vetur. Einnig fengu hluti af strákunum í 4 bekk að keppa sem b lið og spiluðu gegn strákum einu ári eldri. Virkilega flottir strákar sem gáfu þeim eldri ekkert eftir og unnu alla sína leiki örugglega. Sannarlega björt framtíð í yngir flokkum hjá okkur í Hamri. Fjöldi barna sem æfa er með því mesta sem verið hefur og árangurinn eftir því. Eldri hóparnir munu æfa út Maí mánuðu og þá taka við sumarnámskeið.
Helga Sóley Heiðarsdóttir er Íþróttamaður Hamars 2018. Þetta var tilkynnt í dag á aðalfundi Hamars sem haldinn var í Grunnskólanum í Hveragerði.
Helga Sóley er ákaflega vel af þessum titli komin, hún hefur verið ein aðalmanneskja körfuknattleiksliðs Hamars í meistaraflokki og verið öflug í unglingalandsliðinu einnig.
Tímabilið 2017-2018 var Helga Sóley að taka sín fyrstu skref í meistaraflokki, enda aðeins 15 ára gömul í upphafi tímabils. Hún varð strax lykilleikmaður í meistaraflokk Hamars sem spilaði í 1.deild. Helga vakti mikla athygli á vellinum fyrir mikla snerpu, ákveðni og dugnað á báðum endum vallarins þrátt fyrir ungan aldur og að vera að spila á móti töluvert eldri og reyndari leikmönnum.
Helga Sóley Heiðarsdóttir í leik.
Á sama tíma var Helga Sóley að spila með sínum jafnöldrum í 10. Flokk kvenna í sameiginlegu liði Hamars og Hrunamanna. Liðið endaði tímabilið með frábærum árangri og náði 4. sæti Íslandsmótsins. Helga Sóley var einn af lykilleikmönnum þessa liðs.
Á vordögum ársins 2018 var Helga Sóley valin í u16 ára landslið Íslands. Hún spilaði með íslenska landsliðinu á Norðurlandamótinu í Helsinki og Evrópumótinu í Serbíu. Helga Sóley var í stóru hlutverki í íslenska landsliðinu þetta ár og var til að mynda byrjunarliðsmaður í öllum leikjum liðsins.
Haustið 2018 hóf Helga Sóley þátttöku í körfuknattleiksakademíu FSu og spilar með stúlknaflokki undir merkjum Fsu. Stúlknaflokkliðið hefur náð góðum árangri á Íslandsmótinu nú þegar tímabilið er hálfnað.. Helga Sóley er einnig lykilleikmaður í meistaraflokki Hamars og fær stórt hlutverk í öllum leikjum liðsins.
Það er ljóst að árið 2018 hefur verið viðburðarríkt hjá þessum unga og efnilega íþróttamanni.
Helga Sóley er metnaðarfull og það fer aldrei fram hjá neinum að hún leggur sig ávallt 100% fram á öllum æfingum og leikjum. Hún skilur enga orku eftir. Hún er sterkur leikmaður á báðum endum vallarins. Í sókninni er hún dugleg að sækja upp að körfunni og stingur jafnan varnarmennina af.. Helga Sóley er líka ákveðinn varnarmaður sem er dugleg að gera sóknarmönnum andstæðingana erfitt fyrir.
Helga Sóley mætir allar æfingar og er dugleg að gera aukaæfingar. Hún hlustar vel á leiðbeiningar frá þjálfurum og er sífellt að vinna í að verða enn betri leikmaður.
Helga Sóley er góð fyrirmynd sem sýnir hvað hægt er að ná langt með áhuga, dugnað og vinnusemi í farteskinu.
Íþróttafélagið Hamar óskar Helgu Sóleyju innilega til hamingju með titilinn og óskum henni alls hins besta í framtíðinni.
Aðrir sem tilnefndir voru eru sem hér segir:
Hluti af þeim hópi sem var tilnefndur í kjöri Íþróttamanns Hamars 2018. Allt saman mikið afreksfólk sem við erum stolt af.
