Hamar spilaði sinn síðasta leik í riðlakeppni Lengjubikarsins um helgina þegar Hvíti Riddarinn kom í heimsókn á Selfossvöll. Um var að ræða úrslitaleik hvort liðið kæmst í undanúrslit Lengjubikarsins. Hamar dugði jafntefli í leiknum en Hvíti Riddarinn þurfti að vinna leikinn til að komast áfram.

Leikurinn byrjaði fjörlega og var greinilegt að mikið var undir í þessum leik. Bæði lið spiluðu nokkuð fast og var mikið um pústra um allann völl. Bæði lið fengu ágætis færi til að komast yfir í leiknum í fyrri hálfleik en markverðir beggja liða vörðu vel. Nokkur gul spjöld fóru á loft í fyrri hálfleik. Á 42. mínútu fengu Hamarsmenn aukaspyrnu rétt fyrir utan vítateig sem Daníel tók. Boltinn skoppar inn í teig framhjá varnarmönnum Hvíta Riddarans og endar við fætur Liam Killa sem setur hann örruglega í netið. Staðan í hálfleik var 1-0 fyrir Hamri og var Hamar í góðri stöðu þar sem þeim dugði jafntefli úr leiknum. Í seinni hálfleik léku vörðu Hamarsmenn markið sitt vel og voru skynsamir í leik sínum. Lítið var um færi í seinni hálfleik, en líkt og í þeim fyrri var mikið af tæklingum og fleirri gul spjöld fóru á loft. Ekkert mark var skorað í seinni hálfleik og endaði leikurinn 1-0 fyrir Hamri. Góður sigur hjá Hamarsmönnum á móti sterku liði Hvíta Riddarans.

Hamar enduðu því mótið á toppi riðilsins með fullt hús stiga og eru komnir í undanúrslit keppninnar. Liðið dróst á móti KH í undanúrslitunum. Leikurinn verður spilaður 21. Apríl (sumardaginn fyrsta) kl 17:00 á Vodafone vellinum á hlíðarenda. Við hvetjum alla til að kíkja á leikinn og hvetja strákana til sigurs!

Byrjunarlið Hamars

Markvörður: Nikulás

Varnarmenn: Sigmar – Hákon – Kjartan – Tómas A

Miðjumenn: Liam – Ölli – Sindri

Kantmenn: Daníel – Kaleb

Framherji: Tómas H.

Skiptingar

52. mín. Sigmar (ÚT) – Hafþór V (INN)

52, mín Sindri (ÚT) – Sigurður Jóhann (INN)

60. mín Kaleb (ÚT) – Frissi (INN)

72. mín Tómas H (ÚT) – Diddi (INN)

 

Kjartan Sigurðsson fékk leikheimild fyrir Hamar í gær. Kjartan kemur frá Bandaríkjunum þar sem hann var í námi og starfi. Kjartan er varnarmaður en getur einnig leyst aðrar stöður. Kjartan er ekki óþekktur í Hveragerði en hann spilaði með liðinu árið 2009 í 2. deild. Hann spilaði 23 leiki og skoraði eitt mark það tímabil. Eftir það tímabil fór hann á Selfoss þar sem hann spilaði með liðinu í Pepsi deildinni og 1. deild. Kjartan hefur einnig spilað í Finnlandi. Þetta er mikill fengur fyrir félagið þar sem Kjartan er mikill leiðtogi og leggur sig allann fram innann vallar sem utan fyrir liðið. Hans fyrsti leikur með liðinu verður á sunnudag þegar Hamar tekur á móti Hvíta Riddaranum á Selfossvelli.

Við bjóðum Kjartan velkominn aftur ”heim” í Hveragerði!!

Kjartan Sig - 2009

Kjartan í leik með Hamri 2009

Hamarsmenn spiluðu sinn þriðja leik í Lengjubikarnum s.l Laugardag þegar liðið heimsótti Augnablik. Hamar hafði unnið báða sína leiki fyrir þennann leik en Augnablik var án stiga.

Strax á fyrstu mínútu leiksins átti Hákon góða sendingu inn fyrir vörn Augnabliks á Loga Geir sem tók á móti boltanum og skoraði örruglega. Hamarsmenn voru mun betri aðilinn í leiknum og voru með boltann nánast allann fyrri hálfleikinn. Á 24. mínútu fékk sóknarmaður Augnabliks boltann fyrir utan teig og skoraði efst upp í markhornið, þvert á móti gang leiksins. Leikmenn Hamars svöruðu strax og skoraði Tómas Hassing gott mark mínútu síðar. Eftir þetta fengu Hamarsmenn fullt af tækifærum til að bæta við. Á 40. mínútu var komið að Tómasi  þar sem hann skoraði sitt annað mark í leiknum. Hamar héldu áfram að sækja og átti Indriði flottan fyrirgjöf sem endaði hjá Liam sem setti boltann í netið rétt fyrir hálfleik. Staðan í hálfleik var 1 – 4 fyrir Hamri. Seinni hálfleikur var mun rólegri en Hamarsmenn voru samt mun sterkara. Á 65. mínútu fékk sami sóknarmaður Augnabliks boltann fyrir utan teig og skoraði hann aftur með góðu skoti. Á 72. mínútu var komið að nýjasta liðsmanni Hamars, Daníel sendi góða fyrigjöf sem Hrannar Einarsson skallaði laglega í markið. Lokatölur voru 2 – 5 fyrir Hamri. Ágætis leikur hjá Hamri og hefði sigurinn átt að vera stærri.

Nú er Hamar efst í riðlunum með 9 stig þegar einn leikur er eftir. Hamar dugar jafntefli í síðasta leiknum gegn Hvíta Riddaranum til að tryggja sér sæti í undanúrslitum Lengjubikarsins. Leikurinn er á Selfossvelli næsta sunnudag kl 11:00.

Byrjunarlið Hamars

Markvörður: Nikulás

Vörn: Sigmar – Hákon – Tómas Aron – Indriði

Miðja: Liam – Ölli – Logi

Kantmenn: Tómas Hassing og Daníel

Framherji: Palli.

Skiptingar:

45. mín Nikulás (ÚT) – Stefán Hannessson (INN)

45. mín Palli (ÚT) – Hrannar (INN)

59. mín Tómas H (ÚT) – Kaleb (INN)

59. mín Logi (ÚT) – Diddi (INN)

65. mín Indriði (ÚT) – Ómar (INN)

76. mín Daníel (ÚT) – Frissi (INN)

 

Hamarsmenn hafa verið að undirbúa lið sitt að undanförnu fyrir komandi sumar. Lengjubikarinn er kominn á fullt og æfingaferð liðsins til spánar var vel heppnuð. Hamar hefur styrkt liðið sitt töluvert á undanförnum vikum.

Í dag fengu Hamarsmenn sterkann liðstyrk þegar Hrannar Einarsson fékk félagaskipti í Hamar úr Fram. Hrannar er uppalinn í Breiðablik þar sem hann á nokkra leiki með meistaraflokk félagsins, fór svo í KR þar sem hann var í meistaraflokkshóp liðsins og spilaði leiki með KR. Hrannar spilaði svo í fyrra í 1. deildinni með Fram.

Á dögunum komu þrír strákar úr Elliða á síðasta tímabili. Varnarmennirnir Stefán Víðir Ólafsson, Sigurður Jóhann Einarsson og Framherjinn Páll Pálmason komu til liðsins fyrr í vetur.

Varnar og miðjumaðurinn Sigmar Egill Baldursson kom úr KF. Sigmar sem er tengdasonur Gumma Erlings spilaði 8 leiki með KF í 2. deildinni s.l sumar.

Hamar fékk svo til sín íslensk ættaðan bandaríkjamann í síðasta mánuði. Hann heitir Kaleb Goodmann og spilar sem kantmaður. Kaleb var á reynslu hjá Pepsi og 1. deildar liðum áður en hann kom til Hamars.

Að lokum komu tveir strákar úr KR. Varnarmaðurinn Sigurður Andri Jóhannsson og miðjumaðurinn Sindri Snær Símonarson gengu til liðs við Hamars í vetur.

Spennandi verður að fylgjast með strákunum í sumar en næsti leikur í Lengjubikarnum hjá Hamri er á morgun, laugardag þegar liðið heimsækir Augnablik í Fagralundi kl 16:00.

 

 

 

Hamar spilaði sinn annann leik í Lengjubikarnum s.l Laugardag þegar þeir tóku á móti Ísbirninum á Selfossvelli. Hamar hafði spilað einn leik í Lengjubikarnum fyrir þennann leik og vannst sá leikur. Ísbjörninn hafði spilað tvo leiki fyrir leikinn og töpuðust þeir báðir.

Hamar byrjuðu af krafti í leiknum og fengu hornspyrnu á fjórðu mínútu leiksins. Ölli skoraði úr henni eftir skemmtilega útfærslu og góða hornspyrnu frá Kaleb. Á 12. mínútu komst Hamar í skyndisókn sem endaði á því að Páll sendi góða sendingu á Hafstein sem kláraði færið af örryggi. Eftir þetta róaðist leikurinn og spiluðu Hamarsmenn ekki nógu góðann leik í stað þess að klára leikinn. Á 36. mínútu sváfu Hamarsmenn á verðinum og Ísbjörninn náðu að minnka muninn í 2-1. Á síðustu mínútu fyrri hálfleiks fékk Hamar aukaspyrnu af löngu færi sem Hákon tók. Hákon gerði sér lítið fyrir og skoraði úr aukaspyrnunni. Staðan var 3-1 í hálfleik. Í byrjun seinni hálfleiksins var kraftur í Ísbirnunum og áttu þeir ágætis færi að marki Hamars. Hamar náðu ekki að spila boltanum nægilega vel á milli sín. Á 60. mínútu braut leikmaður Ísbjarnarins ílla á sér og fékk að líta rauða spjaldið. Eftir þetta áttu Hamar tóku Hamar öll völd á leiknum og náðu að spila boltanum betur á milli sín. Á 75. skoraði varamaðurinn Daníel mark af stuttu færi eftir frábært spil Hamarsmanna upp völlinn. Eftir þetta áttu Hamar nokkur færi en náðu ekki að koma tuðrunni oftar í markið. Ágætis sigur hjá Hamarsmönnum en þeir hafa oft sýnt betri leik.

Næsti leikur Hamars er Laugardaginn 9. Apríl gegn Augnablik. Leikurinn er kl 16:00 í Fagralundi.

17 -Hafsteinn Þór

Hafsteinn Þór skoraði gott mark í leiknum

Hamar spilaði sinn fyrsta leik í Lengjubikarnum þegar að þeir mættu liði Mídasar í gærkvöldi á Leiknisvelli. Hamarsmenn mættu einbeittir til leiks og héldu boltanum vel sín á milli á meðan Mídas lágu til baka og freistuðu þess að sækja hratt. Tómas Hassing skoraði fyrsta mark Hamars eftir sendingu frá Daníel Rögnvaldssyni og staðan var 1 – 0 eftir fyrri hálfleik. Hamar hélt uppi mikilli pressu í seinni hálfleik og ljóst var að eitthvað varð að bresta en Tómas Hassing skoraði aftur eftir hornspyrnu og aftur var það Daníel Rögnvaldsson með stoðsendinguna. Daníel Rögnvaldsson var svo sjálfur á ferðinni þegar um tíu mínútur voru eftir af leiknum og var það Kaleb Goodman sem lagði upp markið. Páll Pálmason skoraði svo fjórða markið eftir góða sendingu frá Kaleb Goodman. . Mídas náði að klóra í bakkann eftir góða skyndisókn en Daníel Rögnvaldsson svaraði að bragði og lokatölur 5 – 1. Flottur leikur hjá Hamri og verður spennandi að fylgjast með þeim í ár. Næsti leikur er 2. Apríl en þess má geta að liðið er á leiðinni til Spánar í æfingaferð.

Salbjörg Ragnarsdóttir hefur verið kölluð inní Íslenska kvennalandsliðið af Ívari Ásgrímssyni þjálfara liðsins fyrir leik kvöldsins gegn Ungverjalandi. Leikurinn er hluti af forkeppni EuroBasket2017 en Íslenska liðið verður að vinna restina af sínum leikjum til að eiga von á að komast inná Eurobasket. Leikurinn er sýndur í beinni útsendingu á Rúv2 og inná RÚV.IS

Við óskum Salbjörgu til hamingju með góðan árangur og gangi henni vel.

Meistaraflokkur Hamars fékk til sín gríðarlega sterkann liðstyrk fyrir komandi átök þegar Tómas Ingvi Hassing gekk til liðs við félagið. Tómas hefur allann sinn feril spilað fyrir Hamar að undanskildu s.l tímabili þegar hann lék með Árborg. Tómas er mikill markaskorari en hann skoraði 17 mörk í 15 leikjum fyrir Árborg á síðasta tímabili. Tómas gerði tveggja ára samning við Hamar og er félagið í skýjunum hafa Tómas með í uppbyggingu félagsins.

Tómas spilaði fyrir Hamar upp alla yngri flokkana. Hann spilaði sinn fyrsta meistaraflokks leik árið 2012 og hefur spilað 40 leiki fyrir Hamar í íslands og bikarkeppni KSÍ. Tómas hefur skorað 11 mörk í þessum leikjum.

Knattspyrnudeild Hamars býður Tómas velkominn aftur heim!

IMG_3505

Tómas Ingvi og Steini formaður við undirskrift á tveggja ára samningi.

Nú er undirbúningur í fullum gangi fyrir Jólamót Kjörís í fótbolta. Mótin verða haldin í Hamarshöllinn helgarnar 28. og 29 nóvember og 5. og  6. desember. Mótin eru fyrir 7. – 5. flokk karla og kvenna. Mótin hafa verið haldin tvö síðustu ár og er óhætt að segja það að þau hafa slegið í gegn. Fyrsta árið voru um 400 keppendur, en í ár er búist við um 1.500 stelpum og strákum frá 18 félögum að leika listir sínar í hlýjunni í Hamarshöllinni. Auk keppenda eru fullt af foreldrum og öðrum aðstandendum keppenda að koma á svæðið, búist er við að um 5.000 manns komi í heimsókn til Hveragerðis þessar tvær helgar. Allir keppendur mótsins fá verðlaunapening, ís frá Kjörís og pítsu frá Hoflandsetrinu. Nú er um að gera fyrir Hvergerðinga að kíkja í Hamarshöllina næstu tvær helgar og sjá yngstu iðkenndunar leika listir sínar.

 

Mikil vinna er á bak við svona stórt mót og hafa foreldrar og aðrir sjálfboðaliðar verið ótrúlega dugleg við að taka ýmsar vaktir á mótinu. Án þeirra væri þetta ekki hægt! Knattspyrnudeild Hamars væri ótrúlega þakklát fyrir ef fleiri sjálboðaliðar myndu bjóða sig fram og aðstoða við framkvæmd mótsins. Þau sem hafa áhuga á því geta haft samband við Ölla – 8455900 eða ollimagnusson@gmail.com

Mynd í blað (11)

Lokahóf knattspyrnudeildar Hamars var haldið Hoflandsetrinu á dögunum. Leikmenn og aðstandendur liðsins komu saman og snæddu góðann kvöldverð og fóru yfir tímabilið. Á lokahófinu voru leikmenn heiðraðir fyrir frammistöðu sína. Daníel Rögnvaldsson var kosinn besti leikmaður tímabilsins og var hann einnig markahæsti leikmaður tímabilsins en hann skoraði 16 mörk í 11 leikjum. Friðrik Örn Emilsson var kosin efnilegastur. Hermann Ármannsson var besti félaginn.

Mikil ánægja var með tímabilið og eru leikmenn reynslunni ríkari. Nú styttist í undirbúning fyrir næsta tímabil og er mikil áhersla lögð á að halda sama leikmannahóp og síðasta sumar. Æfingar hefjast 3. Nóvember í Hamarshöllinni og mun liðið spila nokkra æfingaleiki í byrjun undirbúningstímabils.

IMG_1322

Friðrik Örn ásamt Steina formanni.