Tag Archive for: Forsíða

Fyrsti leikur hjá strákunum á morgun – viðtal við Ara

Hamarsstrákarnir byrja Íslandsmótið í 1. deildinni á morgun. Þeir byrja á erfiðum útivelli við Val á Hlíðarenda. Leikurinn á morgun byrja kl: 19:30 um að gera að fjölmenn í Vodafonehöllina og styðja strákana. Átta lið leika í 1. deildinni í vetur og er leikinn þreföld umferð sem gera 21 leik á lið. Fyrsta sætið fer beint upp og lið tvö til fimm fara í úrslitakeppnina.

Heimsíðan tók Ara þjálfara tali í dag og hentum á hann nokkrum spurningum en Ari tók við liðinu í sumar af Braga Bjarnasyni sem var spilandi þjálfari.

Viðtalið við Ara hér að neðan

Hvernig leggst veturinn í þig?

Veturinn leggst vel í mig, liðið hefur æft af krafti síðustu vikurnar og erum við að verða klárir í baráttuna.

Við erum aðeins á eftir áætlun með suma hluti en ég tel strákana vera klára í fyrsta leik.

 

Hvernig hefur undirbúningstímabilið gengið?

Undirbúningstímabilið hefur gengið ágætlega liðið tók þátt í Greifamótinu á Akureyri og vann það mót.

Liðið notaði Greifamótið á Akureyri til að þjappa liðinu saman, liðið borðaði frábæran mat saman á laugardagskvöldinu ala Lalli formaður :o) og var þessi ferð í alla staði vel hepnuð.

Liðið hefur bara spilað æfingaleiki við úrvalsdeildarlið á undirbúningstímabilinu að þessu sinni og hefur gengið þokkalega.

 

Hvernig verður liðið skipað í vetur og eru miklar breytingar á liðinu frá síðasta tímabili?

Það hafa verið miklar breytingar frá síðasta tímabili þeir strákar sem komu frá Laugarvatni hættu leik með Hamri fyrir þetta tímabil og Bragi sem var spilandi þjálfari.

Örn Sig hefur tekið fram skóna að nýju og er mikill fengur í honum fyrir liðið og rífur hann upp meðalhæð liðsins.

Þorsteinn Gunnlaugsson kom frá Breiðablik og eru vandfundnir aðrir eins hörkutól eins og Stálmaðurinn sjálfur.

Kristinn Ólafsson kom frá Val og er þar á ferð mikill baráttu hundur og góður drengur enda frá Patreksfirði.

Hjalti Ásberg Þorleifsson kom frá Skallagrím og er þar á ferð ungur og efnilegur strákur sem á bjarta framtíð fyrir sér.

Sigmar Logi Björnsson kom frá Augnablik og er þar á ferð fjölhæfur drengur.

Julian Nelson er okkar erlendi leikmaður í vetur og hefur hann dottið vel inní þá hluti sem við erum að gera og líkar strákunum vel við drenginn og er það mikilvægt að Julian aðlagist vel samfélaginu í Hveragerði og hvet ég fólk í Hveragerði að taka vel á móti honum, og jafnvel vinka honum á götum bæjarins :0)

 

Hvert er markmið liðsins í vetur?

Liðið hefur ekki sest niður og sett sér ákveðið markmið fyrir veturinn en ég sé Hamar ofarlega í deildinni eftir veturinn.

 

Fyrsti leikur er útileikur gegn Val hvernig leggst hann í þig?

Það er gaman að mæta mínum gömlu félögum og Gústa sem er góður félagi minn í fyrsta leik og er smá spenningur í mér fyrir þennan leik.

Við förum í þennan leik fullir tilhlökkunar og ákveðnir í að vinna leikinn eins og við förum í alla leiki í vetur.

 

Eitthvað að lokum?

Mig langar að biðja fólk að fjölmenna í stúkuna í vetur og styðja Hamar í þeirri baráttu sem við eigum fyrir höndum.

Áhorfendur eru alltaf mikilvægur partur af stemmningu hvers liðs og ef það er góð stemning á pöllunum er góður stemmari í strákunum :o)

Áfram Hamar!

/by

Stelpurnar hefja leik í kvöld

Hamarsstelpur hefja leik í Domino´s-deild kvenna í kvöld en stelpurnar heimsækja Grindavíkurstelpur. Leikurinn hefst kl: 19:15 og fyrir þá sem ekki komast geta fylgst með gangi leiksins hér http://www.kki.is/widgets_home.asp

Á árlegum kynningarfundi fyrir Domino´s -deildirnar sem haldin var í Laugardalshöllinni í gær var birt spá af fyrirliðum, þjálfurum og forráðamönnum félaganna líkt og venjan er við upphaf hvers tímabils. Ekki er Hamarsstelpum spáðu góðu gengi en þær ætla auðvita að afsanna þessa spá. Liðið hefur vissulega gengið í gegnum miklar breytingar frá síðasta tímabili og misst nokkrar sterkar stelpur en einnig hafa komið til félagsins sterkir leikmenn.

Spáin fyrir Domino´s-deild kvenna:
1. Keflavík 174 stig
2. Snæfell 146 stig
3. Grindavík 138 stig
4. Valur 138 stig
5. Haukar 100 stig
6. KR 72 stig
7. Breiðablik 49 stig
8. Hamar 47 stig

Mynd: karfan.is sem var tekin af fulltrúum félaganna á fundinum í gær.

/by

Íþrótta- og fjölskyldudagur 3.október

Íþrótta- og fjölskyldudagur Íþróttafélagsins Hamars og Hvergerðisbæjar verður föstudaginn 3. október næstkomandi frá kl. 16:30 – 18:30.
Deildir Hamars kynna starfsemi sína.
Nú skemmtum við okkur saman í íþróttum öll fjölskyldan!

Kl. 16:30 – Stutt kynning á starfi Hamars og golfklúbbnum

Boltagólf
– 16:45 – Brennó og/eða skotbolti á boltagólfi
– 17:10 – Körfubolti og skotkeppni á boltagólfi
– 17:45 – Badminton og blak, leikir og þrautir, á boltagólfi

Gervigras
– 16:45 – Kýló og boltaþrautir á gervigrasi
– 17:10 – Fótbolti og þrautir á gervigrasi

Púttvöllur
– 16:45 – Réttu handtökin kennd við sveifluna
– 17:10 – Púttmót

Ingó Veðurguð kemur og skemmtir okkur
Andlitsmálning verður í boði fyrir börnin

Allir velkomnir.

/by

Strákarnir sigruðu Greifamótið

Hamarsstrákarnir tóku þátt í Greifamótinu á Akureyri um helgina en auk okkar drengja tóku þátt fyrstu deildar liðin Höttur og heimamennirnir í Þór.

Á föstudagskvöldið mættu strákarnir Hetti og voru þeir eitthvað seinir í gang eftir bílferðina norður. Hattarmenn leiddu til að byrja með en um miðbik annars leikhluta tóku Hamarsmenn góðan sprett og leiddu 39-32 í hálfleik. Í seinni hálfleik var bara eitt lið á vellinum og lönduðu okkar strákar góðum 87-64 sigri. Bandaríkjamaðurinn Julian Nelson spilaði sinn fyrsta leik fyrir félagði í þessum leik og komst vel frá sínu, enda ekki búin að ná einni æfingu með liðunu þar sem hann kom til landsins á föstudagsmorgun. Stigahæstir í leiknum voru Þorsteinn Gunnlaugsson 16 stig og örugglega vel yfir 15 fráköst þó ekki hafi verið tekið statt, varafyrirliðinn Snorri Þorvaldsson 15 stig og Bjarni Rúnar Lárussson 14 stig en hann er að koma aftur inn eftir meiðsli.

Á laugardeginum mættu Hamarsmenn heimamönnum í Þór og aftur voru okkar drengir seinir í gang en voru þó níu stigum yfir í hálfelik 40-31. Ari þjálfari hefur eitthvað sagt gott við strákana í hálfleik því þeir gjörsamlega kjöldrógu heimamenn í seinni hálfleik en Hamar vann seinni hálfleikinn 52-17 og leikinn 92-54. Stighæstir í þessum leik voru Julian Nelson 22 stig, fyrirliðinn Halldór Gunnar Jónsson 21 stig öll í seinni hálfleik og Kristinn Ólafsson setti 15 stig og barðist mjög vel.

Allir níu leikmenn liðsins sem fóru á mótið fengu að spila og komust vel frá sínu og það sýnir breiddina í liðinu að þrír stigahæstumennirnir eru ekki þeir sömu í þessum tveimur leikjum.

Óskum strákunum til hamingju með sigurinn á Greifamótinu og nú halda þeir undirbúning sínum áfram en rúmar þrjár vikur eru í að Íslandsmótið byrji.

ÁFRAM HAMAR!

/by

Julian Nelson til liðs við Hamar

KKd. Hamars hefur samið við Bandaríkjamanninn Julian Nelson. Nelson kemur úr Coker Háskólanum og getur spilað nokkrar stöður á vellinum og er sagður mikill skorari. Bundnar eru miklar vonir við kappann sem lendir á klakanum næstkomandi föstudag.

Hann var í byrjunarliði Coker Háskólans alla 28 leikina á síðustu leiktíð og var með 19 stig að meðaltali í leik. Hann skoraði 20 stig eða meira í 16 af þessum 28 leikjum og er fjórði stigahæsti leikmaðurinn í sögu Coker Háskólans. Smá svona til gamans fyrir þá sem hafa áhuga á tölfræði þættinum.

Fyrsti leikur Nelson verður væntalega strax á föstudagskvöld en Hamrsstrákarnir eru á leið norður á Greifamótið og spila þar þrjá leiki um næstu helgi. Fyrsti leikur í Íslandsmótinu verður svo 10. október á mót Val á Hlíðarenda.

/by

Körfuboltabúðir Hamars

Körfuknattleiksbúðir Hamars verða haldnar í Frystikistunnu í Hveragerði samhliða bæjarhátiðna Blómstrandi dagar. Búðirnar verða föstudag til sunnudags og er reynt að hafa tímasetningar þannig að allir geti upplifað sem mest af þessari skemmtilegu helgi.

Tímasetningar eru þessar:

Föstudagur
Kl 16.00-18.00 krakkar fæddir 2006-2003
Kl 18.00-20.00 krakkar fæddir 2002-1999
Laugardagur
Kl 10.30-13.00 krakkar fæddir 2006-2003
Kl 16.30-19.00 krakkar fæddir 2002-1999
Sunnudagur
Kl 10.30-13.00 krakkar fæddir 2006-2003
Kl 13.00-15.30 krakkar fæddir 2002-1999
Þrír þjálfarar munu koma í heimsókn og stjórna æfingum auk þess sem von er á góðum gestum í heimsókn.
Skráningar í búðirnar eru í netfang: dadist14@gmail.com eða í síma 690-1706

/by

Þorsteinn Gunnlaugsson í Hamar

KKd. Hamars hefur borist góður liðstyrkur fyrir átökin í 1.deild karla á komandi tímabili. Þorsteinn Gunnlaugsson hefur sammið við Lárus Inga og félaga í Hamri en Þorsteinn hefur undangegnin tímabil verið einn af öflugustu mönnum Breiðabliks í 1.deildinni og spilar jafnan sem framherji. Þorsteinn var með 14.5 stig og 5,7 fráköst að meðaltali sl. vetur og verður án efa góður liðstyrkur fyrir Hvergerðinga.

Á meðfylgjandi mynd eru samningar handsalaðir og bæði Þorsteinn og Lárus Ingi í keppnisgallanum 🙂

/by

5. flokkur Hamars/Ægis unnu N1 mótið.

5. flokkur Hamars/Ægis sigurvegarar á N1 móti KA

10443125_799600836741395_9134460625331803632_o 10491096_10152453931847752_4297038746879455163_n

Sameiginlegt lið Hamars/Ægis í 5. flokki karla sendi tvö lið á stærsta knattspyrnumót landsins, N1

mót KA. Um fimmtán hundruð leikmenn tóku þátt í mótinu sem fram fór á Akureyri dagana 2. -5. júlí.

10488093_10152453934472752_2100860344324863812_n 10509564_10152453938502752_6789055638118157329_n 10448789_10152453929637752_5797875959965391835_n

Mótið var mjög vel heppnað þrátt fyrir töluverða vætu.

Bæði náðu liðin frábærum árangri, en þau kepptu annars vegar í Chileansku deildinni og hins vegar í

þeirri Ensku.

10402943_10152453957757752_3155773250651852480_n  10462715_10152453949182752_5677050187949503341_n

E-lið Hamars/Ægis komst í átta liða úrslit og endaði í fimmta sæti, sem er glæsilegur árangur.

C-liðið gerði sér lítið fyrir og sigraði sína deild eftir harða baráttu við Tindastól í úrslitaleik sem endaði

með vítaspyrnukeppni.

Leikmenn og þjálfarar eiga hrós skilið fyrir frábæran árangur. Það er óhætt að segja að samstarf

félaganna sé vel heppnað og framtíðin björt!

10527455_10152453965967752_930089633900602702_n 10352347_10152453966542752_4128489283428676014_n 10410636_10152453973747752_3035499498070800210_n

Gleði tár.

/by

6. flokkur Hamars unnu Smábæjarleika Arion Banka

Smábæjarleikarnir á Blönduósi

Helgina 21-22 júní fóru fram Smábæjarleikar Arion banka á Blönduósi. Það er knattspyrnumót fyrir

yngri flokka frá minni bæjarfélögum og dreifðari byggðum. Mótið fór fram í ágætisveðri þetta árið og

eins og í fyrra sendi Hamar fjögur lið til keppni, tvö lið í 6. Flokki og tvo lið í 7. Flokki.

Heilt á litið var árangur Hamarsmanna mjög góður. Fleiri leikir unnust en töpuðust hjá öllum liðum

og B-lið 6.flokksins, skipað strákum á yngra ári tók sig til og tapaði ekki einum einasta leik og sigraði

mótið á hádramatískan hátt eftir að hafa lent þremur mörkum undir í úrslitaleik. Þeir létu ekki

mótlætið buga sig og rétt fyrir lok venjulegs leiktíma jafnaði Hamar. Svo skammt var til leiksloka

að dómarinn var búinn að setja upp í sig flautuna og átti bara eftir að frussa í hana í síðasta sinn.

Framlenging staðreynd!

Mikil barátta var alla framlengingu og skildu bæði lið jöfn eftir hana og samkvæmt reglum mótsins

var hlutkesti látið ráða úrslitum í leiknum. Liðstjórar og þjálfarar voru kallaðir á fund mótanefndar

þar sem hlutkestið var framkvæmt í vitna viðurvist en þó inn á lokaðri skrifstofu 150m frá vellinum.

Á meðan biðu leikmenn með hendur á öxlum hvers annars og foreldrar með hendurnar upp í

sér, nagandi á sér neglurnar af spennu. Eftir óratíma, að undirrituðum fannst, birtist svo liðstjóri

Hamarsliðsins með geislandi sólskinsbros á vör og ljóst varð að Hamar hafði sigrað hlutkestið og þar

með mótið. Gríðarlegur fögnuður braust út og stolt og gleði skein úr hverju andliti. Vissulega má segja

að hlutkesti sé ekki sanngjörn leið til að knýja á um úrslit, en það datt með okkur í þetta skiptið.

Yngstu strákarnir voru að spila á sínu fyrsta stóra móti og var ég svo heppinn að vera liðstjóri þeirra.

Á ýmsu gekk hjá þeim og tók þá ca tvo leiki að aðlagast kick & run leikstílnum sem undirritaður taldi

vænlegasta kost í stöðunni. Byrjað var á að finna þann sem gæti tekið lengsta útsparkið og hann

settur í markið. Hinir fengu svo það hlutverk að ná boltanum og skora. Leikplanið gekk fullkomlega

upp og röðuðu mínir menn inn mörkunum. Það þurfti stundum að minna leikmenn á að vörn væri

skemmtilegt tilbrigði við fótboltan en það náði ekki eyrum allra. Það er skemmst frá því að segja að

mínir menn unnu hvern leikinn á eftir öðrum. Endaði liðið í 5 sæti og verður það að teljast frábært og

framar björtustu vonum mínum.

Það er heldur betur að koma í ljós hvað góð þjálfun og bestu mögulegar aðstæður er strax

farin að skila sér í betri fótbolta, betri leikmönnum og betri úrslitum. Já og auðvitað ánægðri

stuðningsmönnum sem voru, eins og allir leikmenn, Hamri og Hveragerði til sóma.

Þorsteinn T. Ragnarsson

/by

Ari Gunnarsson tekinn við þjálfun Hamars

Á dögunum var gengið frá ráðningu á nýjum þjálfara hjá karlaliði Hamars í körfuboltanum.  Ari Gunnarsson er tekinn við liðinu af Braga Bjarnasyni.  Ari þekkir vel til í Hveragerði sem er auðvita stór kostur en hann spilaði með liðinu fyrir nokkrum árum og þjálfaði einnig kvennalið félagsins. Bundnar eru miklar vonir við ráðningu Ara enda reyndur og fær þjálfari og vonandi nær hann að koma liðinu aftur upp á meðal þeirra bestu.  Ari var á síðasta tímabili aðstoðarþjálfari hjá Val sem féll úr Dominos deildinni.

Á sama tíma og Ari skrifað undir var gerður áframhaldandi samningur við Halldór Gunnar Jónsson fyrirliða liðsins en Halldór hefur spilað síðustu þrjú keppnistímabil með Hamri og ánægjulegt að liðið mun njóta starfskrafta hans áfram.  Halldór spilaði alla 18 deildarleik liðsins á síðasta tímabili og var með tæp 15 stig að meðtaltali.

Gaman að segja frá því að samningarnir voru undirritaðir í frystigeymslu Kjörís í Hveragerði og hafi Lárus formaður orð á því að um væri að ræða köldustu samninga Íslandssögunnar.

ÁFRAM Hamar

/by