Njarðvík 3 Hamar 2 í Lengjubikarnum.

Hamar mætti Njarðvík í Reykjaneshöllini í gær.  Leikurinn byrjaði frekar rólega en Njarðvíkingar voru þó meira með boltann.

 Á 15 mínútu urðu Hamarsmenn fyrir áfalli þegar Markús Andri Sigurðsson þurfti að fara meiddur af velli.  Inná kom fyrir hann Hafþór Vilberg Björnsson.
 
Á 31 mínútu komust Njarðvíkingar í 1-0 með marki frá Patrik Snæ Atlasyni.
 
Á 40 mínútu átti svo fyrirliðin okkar Ingþór Björgvinsson gott skott að marki sem endaði í stönginni, Hamarsmenn óheppnir þarna að jafna ekki leikinn.
 
Í næstu sókn áttu Njarðvíkingar hörku skott að marki en góður markmaður Hamarsmanna Kristófer Ernir G. Haraldsson varði glæsilega.
 
Á 43 mínútu áttu Njarðvíkingar horn sem var skallað naumlega framhjá.
 
Á 44 mínútu áttu Njarðvíkingar flotta sókn að marki Hamarsmanna en Mateusz Tomasz Lis bjargaði glæsilega með flottri tæklingu.  Staðan var því 1-0 í hálfleik fyrir Njarðvík.
 
Skiptingar í hálfleik:
Njarðvík                                                                 Hamar
Óskar Örn Óskarsson (út)                                Óskar Dagur Eyjólfsson (út)
Ísleifur Guðmundsson (inn)                           Tómas Ingvi Hassing (inn)
Ari Már Andrésson (út)                                    Kristófer Ernir G. Haraldsson (M) (út)
Arnór Svansson (inn)                                        Matthías Ragnarsson (M) (inn)
Pawel Grudzinski (út)
Jón Tómas Rúnarsson (inn)
 
Njarðvíkingar byrjuðu seinni hálfleik mjög vel og strax á 48 mínútu skoraði Gísli Freyr Ragnarsson fyrir þá og staðan orðin 2-0.
 
Tveimur mínútum seinna bjargar svo Matthías Ragnarsson (M) á línu eftir að boltanum hafði verið vippað yfir hann.
 
Á 60 mínútu eiga svo Njarðvíkingar dauðafæri sem Hamarsmenn bjarga.
 
Á 61 mínútu á Samúel Arnar Kjartansson gott skot að marki sem er vel varið af markmanni Njarðvíkinga.
 
Einni mínútu seinna komast svo Njarðvíkingar í 3-0 eftir mistök markmans Hamarsmanna.
 
Hamarsmenn tóku svo miðju og brunuðu í sókn sem endaði með marki frá Ingþóri Björgvinssyni og staðan því 3-1 á 63 mínútu.
63925_10151827906369014_1007889142_n
 
Ingþór Björgvinsson (F)
 
Á 86 mínútu kom svo Ísak Tómasson inná fyrir Sölva Víðisson og það tók hann ekki nema mínútu að skora sitt fyrsta mark fyrir Hamar með sinni fyrstu snertingu í leiknum, staðan því 3-2 og 87 mínútur liðnar af leiknum.
photo 2 (8)
 
Ísak Tómasson til hægri.
 
Eftir þetta fjaraði svo leikurinn út eftir að Hamarsmenn reyndu að jafna leikinn.  Lokatölur því 3-2 og Hamarsmenn því enn með 0 stig en Njarðvíkingar komnir í 6 stig.

 

/by

Hópa og firmakeppni Hamars.

Laugardaginn 22. mars hélt meistaraflokkur Hamars hópa og firmakeppni.  Það er hægt að segja að keppnin heppnaðist mjög vel og tóku tíu lið þátt eða allt að níutíu þáttakendur.

1909384_220428468152120_1670106977_o

 Þarna sáust mörg frábær tilþrif og margar gamlar kempur tóku þátt.  Það sem stóð uppúr er að allir skemmtu sér vel og eingin meiddist.  Einnig eru allir sammála um að ekki voru um nein ljót brot eða einhverskonar leiðindi að ræða.
1559408_220427728152194_1460728016_o
 
Það er skemmst frá því að segja að liðið Brendan babes vann þetta mót með því að leggja lið Hermans Hreiðarssonar Stracta Hotels í úrslitaleik 3-1.
1912225_220428864818747_1022752605_n
 
Lið Stracta Hotels endaði í öðru sæti.
 
Í þriðja sæti urðu svo kempunnar frá Kjörís sem lögðu lið Barnaverndarstofu 3-0.  Barnaverndarstofa varð reyndar að gefa leikinn þar sem ekki náðist í lið hjá þeim þegar þarna var komið.
1948227_220429104818723_1181020671_n
 
Lið Kjörís endaði í þriðja sæti.
1962196_220426228152344_890068436_o
Þorsteinn T. Ragnarsson sýnir frábær tilþrif í markinu.
 
Hér eru svo þau lið sem tóku þátt:
Brendan babes.
Stracta Hotels
Kjörís
Barnaverndarstofa
Jötunn Vélar
Hveragerðisbær
CF Hengill.
Arn-Verk ehf.
Dominos
Frost og Funi
/by

Hamar skrifar undir samstarfssamning við VÍS.

Nú á dögunum skrifuðu meistaraflokkur Hamars undir samstarfssamning við VÍS. 
 
Þetta er eitt af mörgum atriðum sem Hamar er að vinna að til þess að knattspyrnudeild gangi sem best.
 
Á meðfylgjandi mynd eru til vinstri Guðmundur Þór Guðjónsson fyrir hönd Hamars og Smári Kristjánsson umdæmisstjóri VÍS á suðurlandi.
/by

Grótta 4 Hamar 2 í Lengjubikarnum.

Leikurinn var varla byrjaður þegar Gróttumenn voru komnir í 1-0 eftir 40 sek.  Þar var að verki Pétur Már Harðarson.

 Það tók ekki nema sjö mínútur í viðbót fyrir Gróttu að skora sitt annað mark í leiknum og staðan orðin 2-0 á 8 mín og marka skorarinn Jens Elvar Sævarsson.
 
Á 22 mín skoruðu svo Gróttumenn sitt þriðja mark og skelfileg byrjun Hamarsmanna staðreynd.  Staðan orðin 3-0 og aðeins 22 mínútur liðnar.  Markaskorari Gróttu Hermann Ármannsson.
 
Það var svo á 27 mínútu sem nýr leikmaður Hamars Samúel Arnar Kjartansson skoraði fyrir okkur í sínum fyrsta leik.  3-1 á 27 mínútu.
photo 1 (1)
 
Ingó og Samúel Arnar.
 
Það tók Gróttumenn ekki nema tólf mínútur að ná aftur þriggja marka mun með öðru marki Péturs Más Harðarsonar og staðan orðin 4-1 eftir 39 mínútur.
 
Þannig var staðan þegar liðin gengu til búningsklefa í hálfleik.
 
Hamarsmenn komu miklu betur stemmdir til seinnihálfleiks en þeir spiluðu þá á móti mjög sterkum vindi og á 50 mínútu minnkuðu þeir munin í 4-2 eftir að Samúel Arnar Kjartansson átti skot að marki sem fór af Gróttumanni og skráðist þetta mark sem sjálfsmark.
 
Eftir þetta var leikurinn nokkuð tíðindalítill og unnu Gróttumenn því þægilegan 4-2 sigur.
/by

Reynir S. 5 Hamar 2 í Lengjubikarnum

Þetta var fyrsti alvöru leikur undir stjórn nýs þjálfara Ingólfs Þórarinssonar.

Hamarsmenn byrjuðu með látum og strax á sjöttu mínútu skoraði fyrirliðinn Ingþór Björgvinsson glæsilegt mark.  Ingþór lék á varnarmann og átti þrumuskot sem hafnaði uppi í samskeytunum, 0-1 fyrir Hamar.
photo 1 (2)
 
Það tók leikmenn Reynis S. ekki nema fimm mínútur að jafna leikinn, þar var að verki Birkir Freyr Sigurðsson, 1-1 og ellefu mínútur liðnar af leiknum.
 
Fimm mínútum eftir að Reynir S. hafði jafnað skoraði nýr leikmaður Hamars Markús Andri Sigurðsson glæsilegt mark, 1-2 fyrir hamar og aðeins 16 mínútur liðnar af leiknum.
photo (2)
 
Hamarsmenn voru nánast enn að fagna þegar Deividas Leskys jafnaði aftur fyrir Reyni S. aðeins fjórum mínútum eftir að Hamar hafði komist yfir, 2-2 og 20 mínútur liðnar.
 
Eftir þessa fjörugu byrjun gerðist lítið og staðan því 2-2 í hálfleik.
 
Það voru ekki liðnar nema sex mínútur af seinni hálfleik þegar Birkir Freyr Sigurðsson skoraði sitt annað mark í leiknum og Reynir S. komið yfir í fyrsta skiptið í leiknum, 3-2 og 51 mínúta liðin af leiknum.
 
Á 71 mínútu skorar svo Aron Örn Reynisson fyrir Reyni S. eftir mistök hjá markmanni Hamars og staðan orðin 4-2.
 
Það var svo á 84 mínútu að Reynir S. gerði út um leikin með marki frá Þorsteini Þorsteinssyni og staðan orðin 5-2.
 
Þrátt fyrir þetta tap voru margir jákvæðir punktar í þessum leik og er ekkert annað en að girða sig í brók og snúa blaðinu við í næsta leik á móti Gróttu á laugardaginn næsta.
/by

Markús Andri Sigurðsson gengin til liðs við Hamar.

Markús Andri er genginn til liðs við Hamar en hann er miðjumaður. Markús Andri er 22 ára gamall og kemur frá félaginu Augnablik. Hann kemur til með að styrkja lið Hamars verulega á tímabilinu. 

 

 

/by

Samúel Arnar Kjartansson nýr leikmaður Hamars.

Samúel Arnar Kjartansson er gengin til liðs við Hamar frá Ými.  

 Samúel hefur spilað 39 leiki fyrir HK og skorað 6 mörk fyrir þá, einnig á Samúel 38 leiki fyrir Ými og hefur hann skorað 34 mörk í þeim leikjum. 
 
Það er athyglivert að Samúel spilaði aðeins þrjá leiki fyrir Ými í fyrra en skoraði sjö mörk fyrir þá í þeim leikjum.

Það eru miklar vonir bundnar við Samúel á þessu tímabili hjá Hamri og bjóðum við hann velkominn.
/by

Ingþór og Tómas Ingvi skrifa undir tveggja ára samning við Hamar.

Ingþór og Tómas Ingvi hafa skrifað undir tveggja ára samning við Hamar.

 
Ingþór hefur verið einn af mátarstólpum Hamars undanfarin ár og verið fyrirliði liðsins, það er því mjög ánægjulegt að hann verði hjá okkur á næstu árum.
 
Tómas Ingvi er að stíga sín fyrstu skref með mfl. Hamars.  Hann er mjög efnilegur framherji og skoraði meðal annars sigurmark Hamars gegn KV síðasta sumar.
photo 3 (6)
 
Ævar Sigurðsson og Tómas Ingvi Hassing við undirskrift.
 
Við í knattspyrnudeild óskum þeim til hamingju með samningana.
/by
,

Jóns Guðmundssonar minnst

 Jón Guðmundsson, fyrsti formaður knattspyrnudeildar Hamars, féll frá nú í janúarmánuði. Jón var drengur góður, vildi öllum vel og vildi allt fyrir alla gera. Jón var vakinn og sofinn yfir starfi knattspyrnudeildarinnar og vann ötullega að uppbyggingu knattspyrnuíþróttarinnar í Hveragerði í sinni formannstíð. Það fór varla fram knattspyrnuleikur hjá Hamri öðruvísi en að Jón væri viðstaddur, hvetjandi sitt fólk áfram. Knattspyrnuiðkendur Hamars eiga Jóni mikið að þakka, án hans eljusemi og ástríðu er óvíst hvernig umhorfs væri hjá knattspyrnudeildinni í dag. Jón var frumkvöðull og hugsjónamaður, hann lagði líf sitt og sál í að koma knattspyrnudeildinni á koppinn á erfiðum og umhleypingasömum tímum. Jón markaði djúp spor í sögu knattpyrnudeildarinnar, hann var hvers manns hugljúfi, sanngjarn, réttsýnn, jákvæður, skynsamur og umfram allt góður maður. Menn eins og Jón eru fyrirmyndir, fyrirmyndir þeirra sem gefa frítíma sinn í þágu annarra án þess að óska einhvers í staðinn. Á lokahófi meistaraflokks knattspyrnudeildarinnar árið 2006, var Jóni veitt viðurkenning fyrir hans störf  og hann um leið útnefndur sem fyrsti heiðurfélagi knattspyrnudeildarinnar. Þurfti að beita Jóni umtalsverðum fortölum til að taka við þeirri viðurkenningu, enda var Jón hógvær með eindæmum og ekki mikið fyrir að trana sér fram. Við syrgjum fráfall Jóns og vottum fjölskyldu hans okkar samúð. Um leið og við kveðjum Jón með söknuði, viljum við þakka, minnast og gleðjast yfir þeim tíma og því starfi sem hann gaf af sér í þágu knattspyrnudeildarinnar.

Hjörtur Sveinsson

Verðlaunahafar

Jón útnefndur

/by

Knattspyrnumaður Hamars 2013.

Björn Metúsalem Aðalsteinsson

 

Hefur verið útnefndur sem:

 

Knattspyrnumaður Hamars árið 2013

 

Björn byrjaði að spila með Mfl Hamars árið 2009. Hann hefur því leikið fimm tímabil með flokknum, spilað 101 leik og verið markmaður liðsins.

 

Hann var einn af lykilmönnnum liðsins árið 2013, spilaði alla leiki liðsins í deild og bikar eða 25 talsins. Björn hélt markinu hreinu þrisvar á erfiðu tímabili.

 

Hann hefur bætt sig gríðarlega sem knattspyrnumaður á síðasta ári, styrkt sig líkamlega og þroskast sem leikmaður.

 

Björn er góð fyrirmynd innan sem utan vallar og er vel að titlinum kominn sem Knattspyrnumaður Hamars árið 2013.

 

Við í knattspyrnudeild óskum Birni til hamingju.

IMG_7586  

Ævar Sigurðsson og Björn Metúsalem

 

/by