Hamar spilaði sinn fyrsta leik á íslandsmótinu s.l föstudag. Hamar tók þá á móti Stokkseyri á Grýluvelli. Þetta var fyrsta viðureign liðana á íslandsmóti, liðin hafa einungis einu sinni mæst og var það í Lengjubikarnum fyrr á árinu. Hamar vann þann leik 2 – 0.

Hamar byrjuðu leikinn af krafti og sóttu að marki Stokkseyrar frá fyrstu mínútu. Á 10. mínútu brutu Hamarsmenn svo ísinn þegar Jorge tók stutta hornspyrnu á Mána sem gaf hann aftur á Jorge og skaut hann glæsilegu skoti í fjærhornið í mark Stokkseyrar. Á 16. mínútu fengu Hamarsmenn svo aukaspyrnu við miðju vallarins. Máni tók hana og rataði hún á kollinn á Ölla sem skallaði boltann í netið. Hamarsmenn héldu áfram að sækja og áttu mjög góð færi til að bæta við forrystuna. Á 41. mínútu var komið að Mána að skora, eftir klafs í teignum náði Máni góðu skoti sem endaði í markinu. Svo á 44. mínútu skoraði svo nýr liðsmaður Hermann Ármannson gott mark í sínum fyrsta leik fyrir Hamar. Staðan var 4 – 0 í hálfleik  og voru yfirburðir Hamarsmanna miklir í fyrri hálfleik. Í byrjun seinni hálfleiks héldu Hamarsmenn áfram að sækja og á 53. mínútu komst Frissi inn í vítateig og fékk vítaspyrnu. Ölli tók spyrnuna og skoraði örruglega. Á 57. mínútu fékk Daníel boltann innfyrir vörn Stokkseyrar og skoraði hann örruglega. Eftir þetta héldu Hamarsmenn áfram að sækja og gátu hæglega bætt við fleiri mörkum. En í lok leiksins var meira jafnvægi í leiknum og var mikið miðjumoð. En á 88. mínútu fengu Stokkseyri eina færi sitt í leiknum. Hamarsmenn voru kærulausir með boltann og komust þeir innfyrir vörnina og skoraði Arnar Þór Halldórsson fyrir Stokkseyri. Lokatölur 6-1 fyrir Hamar. Frábær leikur hjá Hamri og spilaði liðið flottann fótbolta í leiknum, sérstaklega í fyrri hálfleik. Allir leikmenn liðsins lögðu sig fram í verkefnið og uppskáru eftir því. Það verður gaman að fylgjast með strákunum í framhaldinu.

Frábært var að sjá hversu margir áhorfendur voru mættir á völlinn og er greinilegt að Hvergerðingar eru áhugasamir að sjá sína menn spila. Langt er síðan svo margir hafa verið mættir á völlinn. Vonandi heldur fólk áfram að mæta á völlinn og við náum að búa til skemmtilega stemmningu í kringum liðið í sumar.

Allir leikir Hamars eru teknir upp á vidjó og er hægt að sjá mörkin og fleira hér að neðan.

Byrjunarlið Hamars.

Markvörður: Hlynur Kára.

Vörn: Helgi Guðna – Hákon – Indriði – Tómas

Miðja: Ölli – Máni – Jorge

Kantmenn: Daníel – Frissi

Framherji: Hermann

Varamenn:

Nikulás – Ásgeir – Stefán – Ómar – Hafsteinn – Haffi Vilberg – Fannar.

Skiptingar:

46. Mín. Hlynur (ÚT) – Nikulás (INN)

53. Mín. Indriði (ÚT) – Fannar (INN)

59. Mín. Jorge (ÚT) – Stefán (INN)

66. Mín Frissi (ÚT) – Haffi Vilberg (INN)

66. Mín Helgi (ÚT) – Ásgeir (INN)

 

Næsti leikur hjá strákunum er á fimmtudaginn kl 20:00 á móti Létti á Hertz vellinum í Breiðholti. Hvergerðingar eru hvattir til að kíkja á þann leik og styðja við strákana!

Hamar mætti Kára í Borgunarbikarnum, bikarkeppni KSÍ s.l Laugardag. Kári er frá Akranesi og hafa þeir verið að gera góða hluti á undirbúningstímabilinu, þeir enduðu sem sigurvegarar í Lengjubikarnum og hafa verið að styrkja sitt lið undanfarið. Kári spilar í 3. deild í sumar á meðan Hamar spilar í 4. deild.

Hamarsmenn byrjuðu leikinn af krafti og fengu nokkur ágæt færi í byrjun leiks. Hamar varðist vel og lokaði á þau svæði sem Káramenn eru hættulegastir í. Flott barátta var í Hamarsmönnum og voru þeir að vinna saman sem lið í fyrri hálfleik. Á 33. mínútu náði Kári að komast inn fyrir vörn Hamars og skora laglegt mark. Staðan var 0-1 í hálfleik fyrir Kára þrátt fyrir góða barráttu og ágæt marktækifæri Hamarsmanna í fyrri hálfleik. Á fyrstu fimm mínútum seinni hálfleiks skoruðu Kári tvö mörk og var staðan orðinn 0-3 fyrir Kára þegar 50 mínútur voru búnar af leiknum. Eftir þetta gáfust Hamarsmenn upp og mörkin komu á færibandi. Káramenn spiluðu mjög flottann fótbolta og höfðu Hamarsmenn enginn svör við því. Til að gera langa sögu stutta þá endaði leikurinn 0 – 7 fyrir Kára. Kári greinilega með hörkulið sem á eftir að gera góða hluti í sumar og Hamar þurfa að læra af þessum leik og vera tilbúnir í átökin þegar íslandsmótið hefst.

Íslandsmótið hefst svo 22. Maí þegar Hamar tekur á móti Stokkseyri á Grýluvelli.

Byrjunarlið Hamars:

Markvörður: Hlynur Kára

Varnarmenn: Haffi Vilberg – Hákon – Indriði – Tómas

Miðjumenn: Ölli – Máni – Helgi

Kantmenn: Aron – Frissi

Framherji: Arnar.

Skiptingar:

53.mín Arnar (ÚT) – Brynjar (INN)

63.mín Tómas (ÚT) – Ásgeir (INN)

63.mín Máni (ÚT) – Hafsteinn (INN)

Ónotaðir varamenn:

Nikulás – Friðbjörn – Diddi – Ómar

 

 

Hamar og KFS mættust í toppslag Lengjubikarsins í gær á Selfossvelli. Liðin voru jöfn að stigum með 6 stig hvor fyrir leikinn, KFS var með betri markatölu. KFS komst uppúr 4.deildinni í fyrra og munu spila í 3.deild í sumar. Nokkrir af leikmönnum Hamars frá síðasta tímabili spila með KFS og ætluðu þeir sér ekkert annað en sigur í þessum leik. Fyrir leikinn höfðu liðin mæst 9 sinnum í mótsleikjum á vegum KSÍ. Hamar hafði unnið fjóra, KFS unnið fjóra og einu sinni höfðu liðin gert jafntefli.

Mikill vindur var á vellinum í gær og stóð vindurinn í átt að öðru markinu. Hamarsmenn byrjuðu leikinn með vindinn í bakið. Leikmenn beggja liða reyndu eins og þeir gátu að spila boltanum með jörðinni og spila góðann fótbolta. Á 26. mínútu brunuðu Hamarsmenn í skyndisókn, boltinn barst á Brynjar Elí á hægri kantinum sem sendi svo frábæra fyrirgjöf inn í vítateig þar sem hin sjóðheiti Logi Geir var mættur til að stanga boltann inn. Mjög flott mark efir vel útfærða skyndisókn. Jafnræði var með liðunum í fyrri hálfleik og var lítið um marktækifæri í fyrri hálfleik. Leikmenn KFS voru pirraðir og fengu tveir leikmanna þeirra gullt spjald fyrir að slá til leikmanna Hamars. Í raun voru þeir stálheppnir að vera enþá inn á vellinum. Staðan var 0 – 1 Hamar í vil í hálfleik. Hamar spilaði svo gegn vindinum í seinni hálfleik. Hamarsmenn náðu ekki að spila boltanum nógu vel á milli sín í erfiðum aðstæðum, en vörðust hinsvegar vel saman sem lið. Á 55. mínútu fengu KFS hornspyrnu sem þeir nýttu vel og náðu að jafna leikinn. KFS héldu áfram að sækja að marki Hamars en Hamar héldu áfram að verjast vel. Á 61. mínútu fengu KFS svo mjög ódýra vítaspyrnu. Kom það í hlut Ingólfs Þórarinssonar fyrrverandi þjálfara Hamars að taka spyrnuna. Hlynur Kára gerði sér lítið fyrir og varði spyrnuna glæsilega frá Ingó. KFS héldu svo áfram að sækja að marki Hamarsmanna án árangurs. Hamar fengu svo nokkur mjög góð færi í lok leiks til að stela sigrinum en svo varð rauninn ekki. Lokatölur urðu 1 – 1. Nokkuð sanngjörn úrslit.

Staðan er því óbreytt í riðlinum þegar ein umferð er eftir. KFS  og Hamar eru í 1. og 2. sæti með 7. stig hvor, KFS er með betri markatölu.

Hamar mætir Vatnaliljunum á Selfossvelli á föstudaginn kl 19:00.

Byrjunarlið Hamars í leiknum:

Markvörður: Nikulás Snær

Varnarmenn: Hafþór Vilberg – Indriði Hrannar –  Tómas Aron – Aron Karl

Miðjumenn: Ölli – Máni – Frissi

Kantmenn: Arnar Þór – Brynjar Elí

Framherji: Logi Geir

Skiptingar:

46. Mín Nikulás (ÚT) – Hlynur (INN)

67 Mín Brynjar Elí (ÚT) – Ásgeir (INN)

72 Mín Aron Karl (ÚT) – Friðbjörn (INN)

Ónotaðir varamenn:

Kristmar og Steini.

 

 

 

 

Hamar spilar sinn þriðja leik í Lengjubikarnum í dag á móti Erninum. Leikurinn er á selfossvelli kl 20:00. Örninn er með 4 stig í Lengjubikarnum eftir tvo leiki og Hamar er með 3 stig eftir tvo leiki. Örninn mun spila í 4.deild í sumar líkt og Hamar.

Við hvetjum alla til að kíkja á leikinn og hvetja strákana til sigurs.

Hamar spilaði sinn annann leik í Lengjubikarnum Miðvikudaginn 25. Mars. Spilað var gegn KH. KH er í 4. deildinni líkt og Hamar. KH hafa fengið góðann liðstyrk síðustu vikur og eru þeir með mjög sterkt lið.

Hamar byrjuðu leikinn mjög ílla. Þeim gekk ílla að halda boltanum innann liðsins og voru leikmenn að reyna erfiðar sendingar sem stoppuðu oftast hjá varnarmönnum KH. Á 8. mínútu skoruðu KH fyrsta markið. Fljótlega náðu KH að skora annað mark og var staðan orðinn 2-0 eftir 10 mínútna leik. Hamarsmenn fengu svo mjög gott færi til þess að minnka muninn sem þeim tókst ekki að nýta. Á 23. mínútu var klaufagangur í vörn Hamars sem KH nýttu sér og komust í 3-0. Undir lok fyrri hálfleiks fengu KH svo vítaspyrnu sem þeir skoruðu úr. Staðan var því orðinn 4-0 fyrir KH í hálfleik og var þetta greinilega ekki besti dagur Hamarsmanna. Nokkrar breytingar voru gerðar á liði Hamars í seinni hálfleik auk þess sem var breytt um áherslur og leikkerfi. Hamar pressuðu KH hátt uppi á vellinum og bar það árangur á annarri mínútu seinni hálfleiks. Friðrik Örn Emilsson komst einn innfyrir vörn KH og skoraði gott mark. Seinni hálfleikur var mun betur spilaður af hálfu Hamarsmanna og voru margir flottir spilkaflar sem litu dagsins ljós, auk þess að Hamar voru mun þéttarri í vörninni og gáfu fá færi á sér. Á 68. mínútu skoraði svo Logi Geir Þorláksson annað mark Hamars í leiknum. Staðan var orðinn 4-2 og voru Hamar mun betri aðilinn í leiknum í seinni hálfleik. Hamar fengu fullt af góðum færum í seinni hálfleik til að bæta við mörkum. En á 72. mínútu skoruðu KH svo glæsilegt mark úr aukaspyrnu. Eftir þetta var jafnræði á milli liðana og náðu KH svo að bæta við einu marki í viðbót á 82. mínútu. Lokastaða var 6-2 fyrir KH.

Heillt yfir var þetta ekki nógu góður leikur hjá Hamri. Fyrri hálfleikur mjög slakur en sá seinni var mun betri. Leikmenn eru enþá að stilla saman sína strengi og vonandi munu strákarnir læra af þessum leik.

Byrjunarlið:

Markvörður: Sigurður Kjartan Pálsson

Varnarmenn: Friðbjörn Ómarsson, Hákon Þór Harðarsson, Indriði Hrannar Blöndal, Jón Ingi Jónsson.

Miðjumenn: Ágúst Örlaugur Magnússon, Tómas Aron Tómasson, Logi Geir Þorláksson.

Kantmenn: Friðrik Örn Emilsson og Kristinn Hólm Runólfsson

Framherji: Arnar Þór Hafsteinsson.

Skiptingar:

46. Mín Kristinn Hólm Runólfsson (ÚT) – Þorlákur Máni Dagbjartsson (INN)

46. Mín Friðbjörn Ómarsson (ÚT) – Björn Ásgeir Björgvinsson (INN)

46. Mín Jón Ingi Jónsson (ÚT) – Hafþór Vilberg Björnsson (INN)

61. Mín Tómas Aron Tómasson (ÚT) – Ingimar Guðmundsson (INN)

61. Mín Friðrik Örn Emilsson (ÚT) – Jóhannes Snorrason (INN)

71. Mín Ágúst Örlaugur Magnússon (ÚT) – Brynjar Elí Björnsson (INN)

81. Mín Arnar Þór Hafsteinsson (ÚT) – Kristmar Geir Björnsson (INN)

Næsti skráði leikur Hamars í Lengjubikarnum er gegn KFS Laugardaginn 11. Apríl kl 14:00. Fresta þurfti Hamar – Örninn sem átti að vera á sunnudaginn s.l vegna slæmrar vallaraðstæðna á Selfossi. Verið er að vinna í því að fá nýja tímasetningu á þann leik.