Páskafrí fimleikadeildarinnar verður 2.-10. apríl. Taka ber fram að hóparnir T1 og T2 verða á æfingum 2. og 3. apríl.
Gleðilega Páska
Íþróttafélagið Hamar sendi 7 fulltrúa á árlegt HSK-þing sem að þessu sinni var haldið í Brautarholti á Skeiðum. Nokkrir Hamarsmenn fengu viðurkenningu sem íþróttamenn sinnar greinar innnan HSK. Það voru þau: Imesha Chaturunga fyrir badminton, Hugrún Ólafsdóttir fyrir blak og Íris Ásgeirsdóttir fyrir körfuknattleik. Að auki voru veitt verðlaun fyrir framúrskarandi barna- og unglingastarf og hlaut körfuknattleiksdeild Hamars þá viðurkenningu. Daði Steinn Arnarson veitti viðurkenningunni móttöku fyrir hönd deildarinnar. Þingið tókst vel og var Guðríður Aadnegard endurkjörinn formaður HSK.
Nánar um viðurkenningu Hamarsfólks:
Foreldrastarfsbikar HSK 2011
Allt frá stofnun körfuknattleiksdeildar Hamars 1992 hefur það verið stefna deildarinnar að bjóða upp á öflugt barna- og unglingastarf enda ljóst að það tekur tíma að ala upp framtíðarleikmenn. Í upphafi þjálfunar er lögð áhresla á að kenna í gegnum leik. Gríðarlega mikilvægt er að efla og viðhalda áhuga barnanna á íþróttinni og það gera foreldrar best með því að sýna iðkun þeirra áhuga, fylgjast með æfingum, mæta á leiki og styðja þau og hvetja eins og kostur er. Frá byrjun hefur foreldrastarf verið með miklum blóma hjá deildinni. Við hvern flokk starfar foreldraráð sem heldur utan um starfið og skipuleggur m.a. fjáraflanir, keyrslu á mót og æfingaferðir.
Síðustu tíu ár hefur sú hefð skapast að annað eða þriðja hvert ár er farið með 9. og 10. flokk pilta og stúlkna í sameiginlega æfingaferð erlendis. Í ár verður haldið til Philadelpia í Bandaríkjunum.
Til þess að gera ferð sem þessa mögulega er að baki langur og strangur undirbúningur sem hefur að mestu mætt á foreldrum. Fyrir hverja ferð er skipað fjáröflunarráð sem hefur yfirumsjón með öllum fjáröflunum er tengjast ferðinni, þar með talinn rekstur sjoppunnar á heimaleikjum. Það er á ábyrgð fjáröflunarráðsins að virkja aðra foreldra og ekki síður krakkana sjálfa og hefur það tekist afskaplega vel.
Að lítið íþróttafélag, eins og Hamar í Hveragerði, skuli eiga tvö lið á meðal þeirra bestu á Íslandi í körfubolta er ekki sjálfgefið. Þar er ekki síst að þakka stórum hópi foreldra sem hefur elst með liðunum og verið óþreytandi að starfa með félaginu. Margir foreldrar hafa unnið kröftugt sjálfboðaliðastarf í þágu barna sinna frá minnibolta upp í meistaraflokka.
Og af hverju leggja foreldrar þetta á sig? Vegna þess að þetta starf er afskaplega gefandi og skemmtilegt og í gegnum íþróttir barnanna kynnast foreldrar betur. Foreldrar eignast vini og félaga rétt eins og börnin án þess að þurfa að leggja eins mikið á sig líkamlega.
Badmintonmaður HSK 2011
Imesha Chaturanga, Íþróttafélaginu Hamri, er badmintonmaður HSK árið 2011.
Hann varð þrefaldur HSK meistari á árinu, í karlaflokki, U19 og í sínum flokki U17. Ismesha er prúður leikmaður sem hefur tekið miklum framförum og verið sigursæll að undanförnu og kann að taka ósigri jafnt sem sigri af sannri íþróttamennsku.
Blakmaður HSK 2011
Hugrún Ólafsdóttir, Íþróttafélaginu Hamri, er blakmaður ársins hjá HSK 2011.
Hugrún hefur verið einn helsti máttarstólpi blakliðs Hamars og stundar íþrótt sína vel. Hugrún er ákaflega samviskusöm og metnaðargjörn fyrir sjálfa sig og lið sitt og nákvæm í öllum sínum aðgerðum.
Körfuknattleiksmaður HSK 2011
Íris Ásgeirsdóttir úr Hamri, er körfuknattleiksmaður HSK 2011.
Hún var fyrirliði meistaraflokks kvenna á síðustu leiktíð þegar liðið varð deildarmeistari Iceland Express deildarinnar 2011 sem er stærsti titill Körfuknattleiksdeildar Hamars fram að þessu. Íris er afar góð fyrirmynd þeirra sem yngri eru. Hún tekur æfingar alvarlega og leggur sig alla fram og spilar ávallt af einbeitingu og yfivegun.
Arnar Eldon er 15 ára gamall og hefur stundað æfingar af miklu kappi síðastliðin ár. Hann byrjaði 12 ára að æfa fimleika þá nýfluttur til Hveragerðis en áður stundaði hann Taekwondo sem veitti honum innblástur og áhuga á öðrum íþróttum.
Í dag stundar hann einnig Parkour og er í Skólahreystisliði Grunnskóla Hveragerðis.
Arnar hefur undantekningarlaust mætt á æfingar og leggur sig allan fram á hverri einustu æfingu. Hann hefur sýnt miklar framfarir á stuttum tíma og bætt erfiðleikagildi vikulegra æfinga. Arnar keppti í fimleikum í fyrsta sinn í vetur. Hann tók þátt í Íslandsmóti í almennum fimleikum sem haldið var í Hveragerði og á HSK móti sem haldið var í Þorlákshöfn. Honum gekk vel á Íslandsmótinu og náði með góðum einkunnum að komast inn á Meistaramót í almennum fimleikum.
Á HSK mótinu vann hann til verðlauna á öllum áhöldum (þrjú áhöld) og þar af fékk hann tvenn gullverðlaun. Arnar á framtíðina fyrir sér í fimleikum og það vantar ekki áhugann hjá þessum efnilega unga manni. Þess má geta að hann er eini strákurinn í hópi með yfir tuttugu stelpum á æfingum sem hann lætur ekkert á sig fá.
Hann er góð fyrirmynd innan sem og utan hópsins og er duglegur að hjálpa til og hvetja aðra á æfingum.
Fimleikadeild Hamars óskar honum innilega til hamingju með titilinn
Aðalfundur blakdeildar var haldinn 24. jan. 2013 í aðstöðuhúsinu við Grýluvöll. Formaður var endurkjörinn Valdimar Hafsteinsson og Haraldur Örn BJörnsson var útnenfndur blakmaður Hamars, 2012. Sjá má nánar um aðalfundinn í eftirfarandi skjölum:
Hugrún Ólafsdóttir tók á móti viðurkenningunni, blakmaður Hamars á aðalfundi Íþróttafélagsins í gær. Hugrún er vel að titlinum komin og hefur einnig verið tilnefnd blakmaður HSK. Til hamingju með tilnefningarnar, Hugrún.
Á aðalfundi Íþróttafélagsins Hamars, sunnudaginn 4. mars 2012 var Íris Ágeirsdóttir, körfuknattleikskona Hamars, krýnd íþróttamaður Hamars ársins 2011. Íris var fyrirliði og lykilmaður í meistaraflokki Hamars tímabilið 2010-2011. Það tímabil náði Hamar sínum besta árangri þegar kvennaliðið varð deildarmeistari IcelandExpress deildarinnar. Íris hefur svo staðið í stöngu í vetur þar sem hún fór í hjálparstarf til Tansaníu í mánaðartíma og eftir heimkomu drifið félaga sína áfram í baráttunni í deildinni. Auk Írisar voru útnefnd íþróttamenn hverrar deildar.
Á aðalfundinum var kjörinn nýr formaður Hamars, Hjalti Helgason, sem tók við af Guðríði Aadnegaard sem hefur verið formaður félagsins í 10 ár. Einnig voru kjörir í stjórn Friðrik Sigurbjörnsson og Hallur Hróarsson. Úr stjórn gengu ásamt Guðríði, Anton Tómasson og Kent Lauridsen sem hefur gengt gjaldkera stöðu félagsins í 10 ár. Eru nýjir menn boðnir velkomnir til starfa og hinum þökkuð ómetanleg störf í þágu íþróttafélagsins á undangengunm árum.
Framkvæmdarstjórn Hamars óskar íþróttamönnunum til hamingju með titlana.
Eftirtaldir fengu viðurkenningar:
| Badmintonmaður Hamars | Imesha Chaturanga |
| Fimleikamaður Hamars | Arnar Eldon |
| Blakmaður Hamars | Hugrún Ólafsdóttir |
| Hlaupari Hamars | Sigríður Elísabet Sigmundsdóttir |
| Knattspyrnumaður Hamars | Ingþór Björgvinsson |
| Körfuknattleiksmaður Hamars | Íris Ásgeirsdóttir |
| Sundmaður Hamars | Laufey Rún Þorsteinsdóttir |
