Sundlaugin Laugaskarði

SundHveragerdiLaugaskarði
810 Hveragerði
Sími: 483 4113

Opnunartími:

Vetrartími :
mánudaga – fimmtudaga kl. 7:00-20:30
föstudaga kl. 7:00-17:30
laugardaga og sunnudaga kl. 10:00-17:30

Frítt er í sund fyrir alla íbúa yngri en 18 ára og öll börn úr dreifbýli Ölfuss sem eru í Grunnskólanum í Hveragerði.
Sundlaugin í Laugaskarði er 50 metra löng og 12 metra breið og var um langa hríð langstærsta sundlaug landsins. Hún er svokölluð gegnumrennslislaug, hituð upp með jarðgufu, sem tryggir eðlilegt sýrustig og hreinleika vatnsins. Laugin er í skjólsælli hvilft sem veit gegn suðri, norðan Varmár við veginn að Garðyrkjuskóla ríkisins að Reykjum í Ölfusi. Gæslumaður er ávallt á vakt við laugina og auk þess er sjónvarpskerfi til að fylgjast með og tryggja öryggi sundlaugargesta. Þar er heit, grunn setlaug, heitur pottur með rafmagnsnuddi og náttúrulegt gufubað.
Laugin var byggð í tveimur áföngum, sá fyrri var 25×12 metrar og var tekinn í notkun árið 1938, en síðari hlutinn árið 1945. Í henni æfði íslenska landsliðið í sundi allt til 1966 þegar Laugardalslaugin í Reykjavík kom til sögunnar.
Það var Ungmennafélag Ölfushrepps sem beitti sér mest fyrir því að laugin var gerð og lögðu félagsmenn fram ómælda sjálfboðavinnu. Þeim bættist góður liðsauki þegar Lárus Rist sundkappi fluttist til Hveragerðis árið 1936 og má segja að hann hafi tekið forystu við uppbyggingu laugarinnar og réði meðal annars staðarvali.
Hveragerðisbær annast allan rekstur og viðhald laugarinnar.

 

Íþróttahús Hveragerðis

við Skólamörk
810 Hveragerði
Sími: 483 4348

Stærð íþróttasalarins er 18×33 metrar, áhorfendastæði eru fyrir 240 manns og þar eru búnings- og baðklefar.
Húsið var byggt í tveimur áföngum og var fyrri áfangi tekinn í notkun 1976 en síðari áfangi 1984. Undir hálfu húsinu er kjallari með fjögurra metra lofthæð og þar er nú félagsmiðstöð fyrir grunnskólanema. Lægri kjallari undir hinum helmingnum er nýttur sem geymsla.
Grunnskólinn í Hveragerði hefur afnot af húsinu á skólatíma til leikfimi og íþróttakennslu. Að skóla loknum hefur Íþróttafélagið Hamar afnot af húsinu og þar fer fram fjölbreytt íþróttastarf á vegum Hamars. Hveragerðisbær styrkir félagið með ókeypis afnotum af húsinu.

Hamarshöll – Vallarhús, Vorsabæjarvöllum

Hamarshöllinnorðan Hamars
810 Hveragerði
Sími: 483 1240

Fjölnota íþróttahús með gervigrasvelli, íþróttagólfi og 9 holu púttvelli.
Búnings- og baðklefar eru í vallarhúsi sem er við hliðina á Hamarshöll.
Húsið var byggt árið 2012 og er fjölnota upphituð íþróttahöll sem hýsir gervigrasvöll, níu holu púttvöll og fjölnota íþróttagólf í fullri stærð. Stærð íþróttahallinnar er um 5000 m² (104 x 48). Íþróttafélagið Hamar í Hveragerði hefur afnot af húsinu en einnig er hægt að leigja tíma til iðkunar allt árið um kring, hafið samband við menningar- og frístundafulltrúa í síma 660 3911.
Hveragerðisbær annast allan rekstur og viðhald íþróttahússins.

Frábær aðstaða fyrir hópa, fyrirtæki,íþróttafélög og golfklúbba

  • Fundarsalur
  • Tveir bað- og búningsklefar
  • Gott aðgengi
  • Falleg gönguleið í Sundlaugina Laugaskarði
  • 35 mínútur akstur frá Reykjavík

 

Grýluvöllur

Grýluvöllurnorðan Hamars
810 Hveragerði

Grýluvöllur er aðalleikvangur meistaraflokks Hamars í knattspyrnu. Hann er 105m x 65m að stærð, grasstúka er fyrir áhorfendur.

 

Hamarsvöllur, æfingavöllur

sunnan Hamars
810 Hveragerði

Æfingavöllurinn er 110m x 65m að stærð, þar fara fram flestar æfingar og mót fyrir yngri knattspyrnuiðkendur Hamars á sumrin.

 

Strandblakvöllur við Laugaskarð

StrandblakvöllurAustan við Sundlaugina Laugaskarði
810 Hveragerði

Völlurinn tekinn í notkun seinnipart sumars 2012 og reynst afar vel. Upplýsingar um afnot og lán á bolta í Sundlaug og/eða hjá Valdimar (valdimar@kjoris.is).

Nánari upplýsingar á www.hveragerdi.is og hjá  menningar- og frístundafulltrúa í síma 483 4000.