Sunddeildin lauk starfsári sínu með sumarferð í gær og var farið með Hamarsrútunni til Álftanes þar fína sundlaugin þar var tekin út. Rennibrautin prófuð ásamt öldulauginni. Á eftir borðuðum við kvöldmat á American Style í Hafnarfirði og komum heim södd og sæl kl. 21.

Stjórn sunddeildar Hamars vill þakka sundmönnum og forráðamönnum þeirra kærlega fyrir skemmtilegan vetur og vonumst við til að sjá ykkur öll aftur er æfingar hefjast að nýju í upphafi næsta skólaárs.

Hafið það gott í sumar.

Í gær fór fram Héraðsmót HSK í sundi í Laugaskarði í því mesta vatnsveðri sem sést hefur á þessu ári. Þrátt fyrir það tókst mótið með ágætum og fóru leikar þannig að Hamar sigraði stigakeppni félaganna með 125 stigum. Selfoss fékk 60 stig og Dímon 28.

Besta afrek mótsins samkvæmt alþjóðlegri stigatöflu átti Hrólfur Laugdag Árnason, Selfossi og varð hann einnig stigahæsti karl mótsins. Stigahæsta konan varð Ólöf Eir Hoffritz, Selfossi.

Laugardaginn 1. maí fór Aldursflokkamót HSK fram í Þorlákshöfn í blíðskaparveðri.