Minniboltalið Hamars-Þórs stúlkna kepptu í nóvember sl. í A-riðli minniboltans á Flúðum og gerðu sér lítið fyrir og unnu tvo leiki en töpuðu 2 og urðu í 3ja sæti sem er alveg frábært. Þarna fara ungar og efnilegar stelpur sem sumar hverjar voru að keppa sína fyrstu körfuboltaleiki! Garðar úr Þorlákshöfn og Oddur stýrðu stelpunum en þær æfa í sitthvoru lagi og því er árangurinn enn betri ef það er tekið með í reikninginn.
Það verður gaman að fylgjast með þessum stelpum líkt og öðrum yngri flokkum félagsins á nýju ári og vonadi að allir verði duglegir að æfa á nýju ári!
... fleiri myndir.
Hamar/Þór stelpur í 7.flokk gerðu sér lítið fyrir og unnu sigur í B-riðli Íslandsmóts um síðustu helgi hér í Hveragerði. Þar byrjuðu þær á að tapa 24-25 í jöfnum leik við Njarvík þar sem úrslitin voru ekki ráðin fyrr en á síðustu stundu. Næstu leikir var við Val og þeirra lið sýndi sparihliðarnar og okkar stelpur hittu lítið en svo fór að Hamar/Þór vann 26-18. Lokaleikurinn var svo við Hauka og þar var mikil spenna þar sem ljóst var að sigurliðið færi upp í A-riðil. Hamar/Þór komst í 11-4 og Haukar jöfnuðu í 2.leikhluta og komust yfir. Hamar/Þór setti í lás í 4. leikhluta og eftir að staðan hafði verið jöfn 14-14 skoruðu okkar stellpur síðustu 6 stigin og stigu sigurhringinn eftir leik! Ljóst er að erfitt verkefni bíður í næstu umferð þar em Keflavík, Hrunamenn, KR og Ármann spila.Stúlknaflokkur Hamar/FSu kepptu fyrir skemmstu í hraðmóti KKÍ A-riðli og þar var á brattan að sækja. Kepptu þær við Val, Njarvík, Keflavík og Grindavík en skemmst frá því að segja að þær töpuðu öllum leikjunum og duttu niður í B-riðil. Engu að síður stóðu þær sig vel og reyslunni ríkari.
10.flokkur stúlkna Hrunamenn/Hamar kepptu um síðustu helgi í 2.umferð A-riðils og unnu þar KR og Grindavík frækilega en töpuðu hinum 2 leikjunum og eru áfram í A-riðli. Þær sitja yfir í fyrstu umferð bikarkeppninnar eru komnar í 8-liða úrslit þar. Með Hrunamönnum spila þær Dagný Lísa og Katrín Eik frá okkur.
Bikarkeppni yngri flokka ...
....
Yngriflokkarnir eru á fullu í turneringum og vert að skoða hvernig síðustu helgar hafa gengið.
Minnibolti sráka (yngri en 11 ára).
Helgina 19. – 20. nóvember fór fram annað mótið hjá strákunum í minni bolta. Mótið var haldið á heimavelli Breiðabliks í Smáranum eiga þeir þakkir skilið fyrir skemmtilega helgi þar sem umgjörðinn var hin besta og allt til staðar þannig að helgin gætti að heppnast vel. Hamar/Þór spilaði fyrri leikinn á Laugardegi við Hauka ...
...
Veturinn hjá strákunum í níunda flokki karla hófst á heima törn í Þorlákshöfn helgina 22-23. október. Strákarnir spiluð fyrsta leikinn sinn í A-riðli við Njarðvík og þrátt fyrir hetjulega baráttu voru Njarðvíkingar númeri of stórir að þessu sinni og tapaðist leikurinn (48-67) því miður. Næsti leikur strákana var gegn stórveldi KR úr vesturbænum og þá hrukku okkar menn í gang og höfðu níu stiga sigur (63-54), sannarlega glæsilegt hjá okkar mönnum. Sunnudagurinn kom síðan með ekki alveg nógu hagstæðum úrslitum þar sem fyrst töpuðu strákarnir gegn sterku liði Grindvíkur (43-60) og síðan gegn Fjölni (48-58). Það fór því svo að okkar menn fóru niður um riðil þar sem KR tók sig til og vann bæði Fjölni og Njarðvík, smá vonbrigði en þá er bara að snúa bökum saman og gera betur á næsta móti.
Sameiginleg lið Hamars / Þórs í 7.flokki eru tvö í ár, það er í karla og kvennaf-flokki. Þar var óskabyrjun hjá þessum flokkum í fyrstu turneringu KKÍ í október þó svo að bæði strákarnir og stelpurnar hafi tapa 1 leik hvort lið og ljóst að samvinnan við Þór skilar auknum gæðum og krakkarnir bara eftir að bæta sig enn frekar!
Stelpurnar spila áfram í B-riðli og strákarnir áfram í C-riðli en bæði lið ætla sér hærra þegar líður á veturinn.
...nánar um leikina ..og nokkrar myndir!
