Eldri flokkar Hamars hafa æft 4 - 5 sinnum í viku og hafa stöðugt verið að bæta sig.
3. flokkur í sameiginlegu liði Hamars og Ægis hefur tekið þátt í Íslandsmótinu og gengið upp og niður, en þó eru greinileg batamerki hjá liðinu. Flokkurinn fór líka ReyCup og stóð sig þar með sóma og endaði í 3. sæti. Nokkrir leikmenn úr 4. flokki hafa fengið að spreyta sig með 3. flokki og hafa þeir staðið sig ágætlega.
5. og 6. flokkur í sameiginlegu liði Hamars og Ægis hefur tekið þátt í B riðli 5. flokks á Íslandsmóti KSÍ í sumar og staðið sig vel. Við erum með fjögur lið og fyrirfram var búist við því að á brattann yrði að sækja, en liðin eru sífellt að ná betur saman eftir því sem strákarnir kynnast betur. Dagana 30/6 – 3/7 tóku drengirnir þátt í skemmtilegu N1 móti á Akureyri , sem er fjölmennasta mót sem haldið er fyrir 5. flokk á landinu. Leikir unnust og töpuðust á víxl en liðin luku mótinu með sigrum og allir skemmtu sér hið besta, sem er að sjálfsögðu aðalmálið.
Sumarið er tíminn þegar mest er um að vera hjá knattspyrnumönnum og hafa æfingar hjá yngri flokkum Hamars hafa verið 3-4 sinnum í viku á Hamarsvelli í allt sumar. Æfingarnar hafa gengið vel og lið frá Hamri hafa bæði tekið þátt í Íslandsmóti og öðrum mótum og verið sér og félaginu til sóma. 21. júlí voru Knattþrautir KSÍ haldnar í Hveragerði og fannst krökkunum mjög gaman að því. 7. flokkur og yngri flokkur stúlkna komust því miður ekki á neitt af stærri mótum sumarsins, en fóru þess í stað á mót á Flúðum 22. júlí og skemmtu sér ágætlega.
Hamarsmenn mættu grimmir til leiks eftir slæmt tap í Sandgerði. Snemma leiks náði Ágúst Ingi Magnússon forystunni fyrir Hamar og bætti svo við öðru marki í síðari hálfleik. Hefði hann með smá heppni átt að setja þrennuna, en hún bíður betri tíma. Góður leikur Hamars og fínt að sjá liðið koma sterkt til baka eftir seinasta leik. 
Hamri var skellt niður á jörðina eftir ágæta byrjun Íslandsmótsins með slæmu tapi gegn Reyni Sandgerði. Atli Sigurðsson skoraði fyrsta mark leiksins fyrir Hamar, en eftir það setti Reynir 6 mörk og 1-6 tap staðreynd.
| Valgeir Ásgeirsson | Formaður |
| Erla Pálmadóttir | Ritari |
| Rúna Einarsdóttir | Meðstjórnandi |
| Eyjólfur Harðarson | Mfl.ráð karla |
| Halldóra Rut Bjarnadóttir | Mfl.ráð kvenna |
| Steinar Logi Hilmarsson | Unglingaráð |
| Ómar I. Guðmundsson | Þjálfari yngri fl. |
| ....óskast..! | Vefumsjón |
Á Döfinni
