Laugardaginn 23. apríl fór fram keppnin stálmaðurinn og -konan 2011 í Eden í Hveragerði. Tvær stúlkur kepptu í kvennaflokki sem báðar eru heimamenn. Aníta Rós Aradóttir sigraði og Freydís Þrastardóttir lenti í öðru sæti. Einnig var keppt í 100 kg. bekkpressupumpi. En Hvergerðingar áttu tvo þátttakendur þar, sem voru Pétur Pétursson og Þráinn Ómar Jónsson. Þeir stóðu sig frábærlega, Þráinn með 11 pump og Pétur með 18. Áttu þeir reyndar við ofurefli að etja þar sem mikil "naut" voru mætt á svæðið og sigur vannst á 43 pumpum. En góður árangur hjá okkar fólki.