Hamar leiðir einvígið

Hamarsmenn tóku forystu í einvígi sínu við Fjölni 2-1 nú fyrr í kvöld. Hamarsmenn unnu sterkann sigur á útivelli, en það lið sem vinnur fyrr 3 leiki fer áfram. Hamarsmenn geta því tryggt sér sæti í úrslitunum á Fimmtudaginn kemur kl 19:30 í Íþróttahúsinu Hveragerði.

Hamarsmenn töpuðu fyrsta leiknum 88-76, en unnu annann leikinn 114-110 í framlengdum leik. Þriðji leikurinn var jafn og spennandi allann tímann, en Hamarmenn settu stóru skotin og fóru með sigur af hólmi 86-91. Erlendur var stigahæðstur Hamarsmanna með 20 stig en Hilmar Pétursson var þar á eftir með 19 stig, ásamt því að ísa leikinn með risa þrist í lokinn. Christoph­er Woods 16/​13 frá­köst, Örn Sigurðar­son 15/​6 frá­köst, Rún­ar Ingi Erl­ings­son 7/​7 stoðsend­ing­ar, Odd­ur Ólafs­son 6, Smári Hrafns­son 6, Snorri Þor­valds­son 2.

Nú er því um að gera að fjölmenna í Frystikistunna á Fimmtudaginn og öskra Hamar áfram inn í úrslitin.

mynd/Karfan.is

/by

Úrslitakeppni 2017

/by

5. sætið tryggt – úrslitakeppnin framundan

Næst síðasta umferð 1.deildar karla fór fram í kvöld. Í Gravarvogi voru það Fjölnismenn sem tóku á móti Hamri. Hamarsmenn sem fyrr að leitast eftir því að tryggja sér fimmta sætið sem veitir þáttöku í úrslitakeppni um sæti í Dominosdeildinni, deild þeirra bestu.
Hamarsmenn virtust ekki vera búnir að jafna sig á tapinu í síðustu umferð gegn Blikum, en Fjölnir komst í 7-0, og síðar 18-8. Þá vöknuðu drengirnir og svöruðu með 15-4 áhlaupi staðan 22-23 Hamri í vil. Síðustu fjögur stig leikhlutans voru hins vegar heima megin staðan 26-23 eftir fyrsta leikhluta.
Í öðrum leikhluta var leikurinn í járnum og skiptust liðin á að setja niður körfur, hörku stemmning. Fjölnismenn í baráttu við Val um 2 sætið sem veitir heimavallar réttinn. Smári Hrafsson, fyrrum Fjölnismaður átti síðasta orðið í fyrri hálfleik er hann nelgdi niður þrist staðan 52-53 í hálfleik.
Í þriðja leikhluta hélt síðan skemmtunnin áfram. Hamarsmenn þó alltaf í forustu, eða allt þar til flautann gall þegar Collin Pryor setti niður körfu fyrir Fjölni og kom þeim yfir 76-75.
Fjórði og síðasti leikhlutinn eftir og bæði lið með allt undir. Chris Woods skoraði fyrstu stig leikhlutans en þá svöruðu Fjölnismenn með næstu níu 85-77. Þegar sex mínútur voru til leiksloka leiddu heimamenn með 87 stigum gegn 80. Næstu tvær mín spiluðust hinsvegar vel fyrir Hamar og skyndilega var staðnan 90-87. En þá voru Hamarsmenn búnir á því. Fjölnismenn gerðu 13 stig gegn 2 og gerðu út um leikinn. Lokatölur voru 104-91. Þrátt fyrir tapið tryggðu Hamarsmenn 5 sætið þar sem Ármann lagði Vestra með sínum fyrsta sigur leik í vetur, annsi óvænt. Hamarsmenn geta því farið pressulausir og slípað sig saman fyrir úrslitakeppnina næst komandi Föstudag, þegar nágrannarnir úr FSu mæta.

Stigaskor Hamars í kvöld: Chris Woods 31 stig,14 fráköst, Erlendur Stefánsson:25 stig,  Smári Hrafnsson: 9 stig, Örn Sigurðarson 8 stig, 7 fráköst, Rúnar Erlingsson 7 stig, 4 fráköst, Hilmar Pétursson 7 stig, 4 fráköst, Oddur Ólafsson 4 stig, 7 stoðsendingar

Mynd/Sunnlenska

/by

Helga Sóley og Gígja Marín valdar í U15 ára landsliðið

Árni Þór Hilmarsson landsliðsþjálfari undir 15 ára liðs kvenna valdi nú á dögunum lokahóp fyrir Copenhagen Invitational mótið í Danmörku sem haldið verðurí júní næstkæmandi.

Hamar á tvo fulltrúa í þeim hóp þar sem þær Helga Sóley Heiðarsdóttir og Gígja Marín Þorsteinsdóttir voru báðar valdar í lokahóp. Þetta er frábær árangur hjá þessum metnaðafullu stelpum sem hafa svo sannarlega lagt mikið á sig síðustu ár. Þær leika með sameiginlegu liði Hamars og Hrunamanna sem leikið hefur í A-riðli síðustu ár undir stjórn Hallgríms Brynjólfssonar. Hrunamenn eiga einnig fulltrúa í liðinu en það er hún Perla María Karlsdóttir.

Óskum þeim til hamingju með þennan frábæra árangur

/by

Áttunda tapið á heimavelli

22.Umferð 1.deildar karla fór fram í kvöld og mættust lið Hamars og Breiðabliks í Hveragerði. Hamarsmenn leituðu eftir sigri til að tryggja sætið í úrslitakeppnina en Blikar að heimavallarrétti.

Blikarnir gáfu strax fyrir heit fyrir því sem koma skildi þegar þeir opnuðu leikinn á tveimur þriggja stiga körfum 0-6. Hamarsmenn sem unnu frækinn sigur á liði Vals, virtust heillum horfnir og náðu aldrei að etja neinu kappi við Blika sem settu niður hvert skotið á fætur öðru. Blikar leiddu með 29 stigum gegn 20 stigum Hamars eftir fyrsta fjórðung. Blikar settu niður 5 af 9 þriggja stiga skotum sínum í fjórðungnum og settu svo 5 af 12 í örðum leikhluta og skutu Hamarsmenn í kaf, en lið Hamars hafði eingöngu hitt 4 skotum af 14 utan af velli. Staðan í hálfleik 36-56. Hamarsmenn reyndu mikið að leita inná Chris Woods en Blikar tvöfölduðu á hann um leið og hann fékk knöttinn, Skotin rötuðu svo ekki rétta leið og náðu Blikar því hverju stoppinu á eftir öðru.
Hamarsmenn ætluðu sér að svara strax í síðari hálfleik og náðu muninum niður í 15 stig 43-58, en þá mætti Tyrone Wayne með skotsveit sína og settu þeir saman 4 þriggja stiga skot niður í fjórðungnum og kláruðu þar með leikinn. Staðan 54-78 og síðasti fjórðungurinn eftir. Blikar slökuðu á klóni fyrir utan línuna og settu aðeins eitt skot í sjö tilraunum utan af velli, það var þó ekki til þess að hjálpa Hamarsmönnum að komast inní leikinn en þeir skutu ekki nema 37% af skotum sínum í körfuna 29/79, erfitt að sigra með slíka nýtingu. Lokatölur voru 78-100.
Tapið þýðir það að Hamarsmenn leitast því enn eftir því að tryggja sætið í úrslitakeppnina, en næsti leikur liðsins er næstkomandi mánudag í Gravarvogi gegn Fjölni.

Stigaskor: Erlendur: 20 stig, 6 fráköst, Chris Woods: 14 stig, 13 fráköst, Örn: 14 stig, Hilmar 11 stig, Rúnar: 9 stig, Guðjón: 4 stig, Oddur 3 stig, 5 stoð. Smári: 3 stig

Annað sem veldur áhuggjum varðandi tapið er hve slakt gengið hefur verið hjá Hamri á heimavelli það sem af er vetri. Leikirnir eru 11 talsins en aðeins hefur sigur unnist þrisvar, þar af tvisvar gegn Ármanni, botnliði deildarinnar sem enn hefur ekki unnið leik. Einnig unnum við granna okkar frá Selfossi. Töpin eru hinsvegar orðin átta. Þó má alltaf finna eitthvað jákvætt, en ef við náum í úrslitakeppnina þá erum við ekki með heimavallarréttinn.

/by

Hamar- Breiðablik (útsending)

Um er að ræða prufu útsendingu á nýrri slóð:  http://ustre.am/1yzkz

/by
,

Lárus Ingi sæmdur gullmerki Hamars

Á aðalfundi Hamars var Lárus Ingi Friðfinnsson formaður og stofnandi körfuknattleiksdeildar Hamars, sæmdur gullmerki Hamars. Kom fram í máli formanns að Lárus hlyti gullmerkið fyrir áratuga ósérhlífið starf og einstaka elju við uppbyggingu og rekstur Körfuknattleiksdeildarinnar í Hveragerði.

/by

Valsmenn lagðir í spennutrylli

Á Hlíðarenda héldu Hamarmenn í einvígi gegn liði Vals í kvöld. Valsmenn fyrir leikinn héldu í þá von um að ná efsta sæti deildarinnar en sú von varð veik eftir kvöldið. Valsmenn voru með 30 stig fyrir leikinn í þriðja sætinu en gátu með sigri jafnað lið Fjölnis, en þó búnir að leika einum leik minna. Hamarmenn með 18 stig í 5 sætinu.
Leikurinn fór fjörlega af stað og leiddu Hamarsmenn eftir 6 mín 14-15, þá tóku heimamenn áhlaup og staðan 23-15 heimamönnum í vil eftir fyrsta fjórðung.Valsmenn leiddu svo allan annan leikhlutann, en með góðum loka mínútum Hamars var munurinn þó aðeins tvö stig 44-42.
Valsmenn náðu svo að slíta sig aðeins frá gestunum og komust mest tíu stigum yfir 65-55. Hamarmenn lögðu þó ekki árar í bát og minnkuðu muninn aftur niður í 5 stig 67-62 eftir þrjá fjórðunga.
Fjórði leikhlutinn og þá er að duga eða drepast. Hamarmenn komu sterkari til leiks og náðu að leiða með 6 mín eftir 71-73, Valsmenn svöruðu 79-76. En næstu 5 stig voru frá Hvergerðingum og 79-81 staðan og ekki nema rétt rúmar tvær mínútur eftir. Valsmenn virtust hinsvegar ætla hirða stigin tvö því þeir svöruðu með tveimur þriggja stiga körfum og leiddu 85-81 þegar 40 sekúndur lifðu leiks. Hilmar Pétursson sýndi hvers hann var megnugur þegar hann minnkaði muninn í næstu sókn í eitt stig. Chris Woods skoraði síðan úr sniðskoti í næstu sókn og skyndilega Hamar í forustu 85-86 og 10 sek eftir. Valsmenn héldu í sókn og uppskáru tvö vítaskot með 5 sekúndur eftir. Það síðara geigaði og því þurfti að framlengja leikinn.
Í framlengingunni reyndust Hamarsmenn sterkari og fóru þeir heim með tvö stig í pokanum 96-98 lokatölur.
Chris Woods var í tröllaham í kvöld með algera töllatvennu 36 stig og 24 fráköst. Erlendur kom síðan með 25 stig, 5 stoð, og 5 fráköst, aðrir: Hilmar 19 stig, Oddur 9 stig, Rúnar 5 stig og 7 stoð, Smári 3 stig og Örn 2 stig.
Með sigrinum er 5 sætið nánast tryggt en Hamarliðið þarf að tapa öllum leikjum sínum sem eftir eru og FSu eða Vestri að vinna alla sína.

Næsti leikur er á fimmtudag í Hveragerði kl 19:15, þegar Lárus Jónsson mætir á sinn gamla heimavöll með lið Breiðabliks.

Mynd: Karfan.is

/by

Sigur í kvöld – Valur á sunnudaginn

Hamarsmenn unnu auðveldan sigur á botnliði Ármanns í kvöld. Hamarsmenn mættu án Chris Woods í leikinn í kvöld sem fékk að hvíla fyrir leikinn sem er á Sunnudaginn gegn Val á Hlíðarenda. Hamarsmenn leiddu eftir fyrsta leikhluta 39-11 og var leikurinn strax búinn. Allir leikmenn liðsins komust á blað, en stigahæðstur var Erlendur Ágúst annan leikinn í röð með 21 stig. Næstur var milli nafni hans Guðjón Ágúst með 18 stig og 9 fráköst, Hilmar skoraði 10 stig ásamt Birni Ásgeiri, Smári 9 stig og 7 stoðsendingar, Bjarki, Örn og Diddi settu 8 stig en Diddi var einnig með 11 fráköst. Oddur og Rúnar Ingi settu 6 stig hvor og Arvydas var með 4 stig. Snorri var svo með 3 stig á þeim 2 mínútum sem hann lék. Lokastaðan í leiknum var 111-71. Sigurinn kemur Hamarsmönnum uppí 18 stig með fjórar umferðir eftir. Vestramenn anda svo í hálsmálið á Hamri með 16 stig, en þurfa þó að treysta á að Hamarsmenn tapi 2 leikjum útaf innbyrgðis viðureigninni. FSu eru svo með 14 stig en hafa leikið einum leik meira og þurfa því að vinna rest ætli þeir sér yfir Hamarsmenn í deildinni.
Næsti leikur er strax á Sunnudagskvöldið kl 19:30, en þar geta Hamarmenn gull tryggt 5 og síðasta sætið inní úrslitakeppnina.

/by

Hamar með stórsigur á Vestra

Hamarsmenn héldu í kvöld vestur á firði til þess að etja kappi við lið Vestra frá Ísafirði. Liðin voru jöfn að stigum í 5-6 sæti deildarinnar og búin að vinna sitthvorn leikinn í vetur. Innbyrgðis viðureignin undir og einnig kæmist sigurliðið í þægilega stöðu uppá framhaldið í baráttunni um fimmta og síðasta sætið í úrslitakeppnina.
Hamarsmenn mættu mun stemmdari til leiks og komust í 2-10 eftir tvær og hálfa mínútu. Vestramenn virtust slegnir útaf laginu og ógnuðu Hamarsmönnum aldrei eftir þetta. Hamarsliðið var að spila gríðarlega fallegan sóknarbolta og létu boltann ganga á milli manna þar til galopin skot fundust. Þeir pressuðu svo heimamenn stíft og uppskáru 19 stiga forskot að loknum 1.leikhluta 13-32.
Hlutirnir breytust lítið í öðrum leikhluta en þar skorðuð Vestramenn 12 stig gegn 26 frá Hamri og staðan í hálfleik 25-58. Erlendur var atkvæðamestur í fyrri hálfleik með 19 stig.
Hamarmenn jóku við forskotið og leiddu mest með 40 stiga mun áður en Vestramenn settu niður nokkur skot. Hamarmenn svöruðu hinsvegar bara aftur og Erlendur setti niður þrist undir lok leikhlutans staðan 45-84.
Fjórði leikhlutinn var því bara spilaður uppá formsatriðið þar sem útkoman var löngu ráðinn. Hamarmenn slökuðu aðeins á þeim leikhluta og unnu þeir hann með 7 stigum. Lokatölur leiksins voru því 65-111. Erlendur Ágúst var maður leiksins með 31 stig og 4 fráköst en allt liðið spilaði stórkostlega í kvöld.
Aðrir voru Chris Woods 28stig 8.fráköst, Örn 16 stig , Snorri 16 stig, 6 fráköst, Hilmar 7 stig, Oddur 4 stig 7 stoðsendingar 5 stolnir, Björn 4 stig, Smári 3 stig, Rúnar 2 stig 4 fráköst.
Hamarmenn eru því komnir með 8 sigra í deildinni og 11 töp. Vestramenn skilja þeir svo eftir með 7 sigra og 12 töp, og þurfa því Vestramenn að vinna tveimur fleiri leiki en Hamarmenn í síðust fimm útaf innbyrgðis viðureigninni. Nágrannar Hamars í FSu eru því þeir sem eiga hvað mestan séns í að ná 5 sætinu af Hamri en þau lið mættast einmitt í síðustu umferðinni 10.mars. Næsti leikur Hamars er hinsvegar eftir viku gegn botnliði deildarinnar Ármanni sem á enn eftir að vinna leik.

5.sæti Hamar 8-11  16 stig
6.sæti Vestri 7-12  14 stig
7.sæti FSu 7-13  14 stig
Umfjöllun: Ívar Örn
Mynd: Sunnlenska.is

/by