Blaklið Hamars tapaði fyrir Fylki í 2. deild Íslandsmótsins í kvöld. Leikurinn byrjaði afleitlega hjá Hamri og komust Fylkismenn m.a. í 6-16.  Unnu þeir hrinuna auðveldlega og einni hrinu 2 sem þróaðist svipað og sú fyrsta.  Hamar klóaraði aðeins í bakkann í 3. hrinu og sigraði hana 25.22 og eygði smá von um viðsnúning í leiknum.  4. hrina byjarði ágætlega og var jöfn að 12 stigum en þá sigu Fylkismenn fram úr og unnu auðveldan sigur í hrinunni og þar með leiknum, 1-3.  

Hamar sigraði B-lið Stjörnunnar í 2. deild Íslandsmótsins í dag. Hamar byrjaði leikinn afleitlega og var eins og þeir vanmátu ungt og efnilegt lið Stjörnunnar sem komst fljótlega fram úr og hélt forystu til loka fyrstu hrinu, 25-21. Í annari hrinu komst Hamar inn í leikinn og var yfir lengi vel en í stöðunni 15-18 fyrir Hamar, þá lokuðust allar gáttir Stjörnumanna sem gengu á lagið og sigruðu hrinuna 25-20.  Gömlu jaxlarnir í Hamri neituðu að játa sig sigraða og unnu næstu 2 hrinur sannfærandi, 21-25 og 16-25.  Í oddahrinunni komust Stjörnustrákar yfir og leiddu 11-7 en þá lokuðu Hamarsmenn á smöss Stjörnuderengja sem gerðu sig líka seka um mistök   Hamar komst svo yfir í hrinunni og vann baraáttusigur 13-15.  Ljóst er að Hamar þarf að spila betur gegn sterkari liðum til að ná markmiðum sínum um sigur í deildinni.