Öldungamótið í blaki var að þessu sinni haldið í Mosfellsbæ. Karlaliðið hafnaði í 6. sæti í 1. deild og hélt sæti sínu í deildinni eftir að hafa spilað úrslitaleik um fallið og sendi þar með erkióvinina Hrunamenn niður í 2. deild. Konurnar höfnuðu í 5. sæti í 3. deild og sitja því þar um kyrrt enn um sinn. Mótið gekk í alla staði vel en aðstaða til íþróttaiðkunar er einstaklega góð í Mosfellsbæ þar sem unnt er að spila á 9 blakvöllum samtímis undir sama þaki..
Seinni umferðin í héraðsmóti karla og kvenna í blaki var leikin í Iðu á Selfossi 19. apríl sl.
Hamar bætti við enn einum titli í kvennaflokki þegar Hamar hafði betur í keppninni við efnilegt lið Dímonar. Spennan var meiri í karlaflokki, en bæði fyrsta og þriðja sæti vannst á hrinuhlutföllum. Hamar lagði Hrunamenn í æsispennandi oddaleik en varð samt að sætta sig við annað sætið þar sem Hrunamenn sigruðu á fyrra mótinu fyrir áramót. Samhygð hafði betur í keppni við Laugdæli um þriðja sætið.
Jón Ólafur Valdimarsson hefur verið ráðinn nýr þjálfari kvenna og karlaliðs Hamars. Jón er fæddur árið 1973 og hefur leikið blak frá 12 ára aldri, aðallega með Þrótti Reykjavík, utan tveggja tímabila þar sem hann lék með HK. Jón hefur unnið til fjölda Íslands og bikartitla með Þrótti og spilað um 20 A-landsleiki fyrir Ísland. Jón Ólafur er annar tveggja alþjóðlegra blakdómara á Íslandi og er formaður dómaranefndar BLÍ. Jón hefur þjálfað ýmsa flokka Þróttar frá árinu 1990 auk öldungaliða. Blakdeild Hamars býður Jón Ólaf velkominn til starfa.
Blakmaður ársins hefur verið valinn Steinunn Björnsdóttir . Hún er 36 ára gömul og hefur verið leikmaður Hamars um árabil. Steinunn er Selfyssingur sem fór að æfa blak með Hamri árið 1994 og hefur stundar íþróttina vel allar götur síðan. Blakdeild Hamars óskar Steinunni til hamingju með titilinn.
Daddamótið í blaki var haldið þann 2. janúar í íþróttahúsinu í Hveragerði. En Daddamót er gleði og skemmtimót í anda Kjartans Busk fyrrum leikmanns Hamars. Mættir voru til leiks um 25 manns sem skemmtu sér konunglega.| Valdimar Hafsteinsson formaður | |
| Hugrún Ólafsdóttir gjaldkeri | |
| Jón Ólafur Valdimarsson þjálfari | |
| Afgreiðsla íþróttahúss | 483-4348 |
